ជាក់ស្ដែងបើតាម  អ្នកជំនាញផ្នែកបច្ចេកវិទ្យា លោក Dan Ives  បានប្រាប់ទៅកាន់ CNN ថា តាមរយៈការវិភាគរបស់លោកផ្ទាល់ ប្រសិនបើ iPhone ផ្លាស់មកផលិតនៅសហរដ្ឋអាមេរិក វាអាចនឹងឡើងថ្លៃគុណនឹង៣ ធៀបនឹងតម្លៃបច្ចុប្បន្ន ពោលគឺអាចនឹងឡើងដល់ខ្ទង់ 3500$ ឯណោះក្នុងមួយគ្រឿង។

អ្នកជំនាញរូបនេះបានពន្យល់បន្ថែមថា ការឡើងថ្លៃនេះ ក៏ព្រោះតែ ផលិតកម្មរបស់ Apple ភាគច្រើនធ្វើឡើងនៅអាស៊ី ដែលកម្លាំងពលកម្ម និងសម្ភារៈមានតម្លៃថោកជាង។ ការកសាងប្រព័ន្ធផ្គត់ផ្គង់ដូចគ្នានេះឡើងវិញនៅសហរដ្ឋអាមេរិកនឹងមានតម្លៃថ្លៃណាស់ ហើយចំណាយពេលច្រើនឆ្នាំដើម្បីស្តារ។

គួរជម្រាបផងដែរថា សព្វថ្ងៃនេះ ប្រមាណ 90% នៃទូរស័ព្ទ iPhone ត្រូវបានផ្គុំនិងផលិតនៅក្នុងប្រទេស ចិន។ ប្រភពដដែលបានឱ្យដឹងទៀតថា ចាប់ពីការប្រកាសពន្ធគយថ្មីមក បានធ្វើឱ្យតម្លៃរបស់ក្រុមហ៊ុន Apple ធ្លាក់ចុះ 25% ហើយអ្នកវិនិយោគមានការព្រួយបារម្ភអំពីរបៀបដែលការផ្លាស់ប្តូរទាំងនេះនឹងប៉ះពាល់ដល់ក្រុមហ៊ុន Apple ទាំងមូលផងដែរ៕