ថ្មីៗនេះ Apple ទើបតែប្រកាសចេញនូវ iPhone 14 Series ដោយភ្ជាប់មកជាមួយមុខងារ Crash Detection ដែលអាចជួយសង្គោះជិវិតមនុស្សបានទៀត មិនថានៅទីកន្លែងណាទេ ដូចជាតំបន់ភ្នំ តំបន់ដាច់ស្រយាល និងក្នុងព្រៃក៏ដោយក្តី មុខងារនេះ នឹងជួយខលហៅឡានពេទ្យ ឬប៉ូលិសមកភ្លាមៗ ដើម្បីមកជួយសង្គ្រោះមនុស្សពីគ្រោះថ្នាក់ចរាចរណ៍ណាមួយ។
បើតាមការបង្ហាញនៅក្នុង ព្រឹត្តិការណ៍ Apple បានឲ្យដឹងថា Apple បានដាក់នូវមុខងារ Crash Detection ឬ SOS Emergency សម្រាប់ជួយសង្គ្រោះជីវិតមនុស្សនៅពេលជួបគ្រោះថ្នាក់ចរាចរណ៍ ។
មុខងារ Crash Detection ឬ SOS Emergency នេះមានតួនាទីផ្ញើសារឬខលសង្គ្រោះបន្ទាន់ទៅកាន់ឡានពេទ្យ ឬប៉ូលិស ឲ្យបានដឹងដំណឹង នៅពេលដែលម្ចាស់ iPhone 14 ជួបនឹងជួបគ្រោះថ្នាក់ណាមួយភ្លាមៗ ពេលនោះបច្ចេកវិទ្យា AI នឹងចាប់សញ្ញាអំពីសកម្មប៉ះទង្គិចដែលមិនមែនជាសកម្មភាពធម្មតា ក្នុងរយ:ពេល ១៥វិនាទី រួចពេលនោះមុខងារនេះនឹងបញ្ចេញសញ្ញាប្រកាសភ្លាម ដើម្បីឲ្យយើងអាចខលសុំជំនួយពីឡានពេទ្យ ឬប៉ូលិសបានយ៉ាងរហ័ស ។
អ្វីដែលកាន់តែពិសេសជានេះទៅទៀតនោះ គឺបច្ចេកវិទ្យា Crash Detection ឬ SOS Emergency អាចប្រើមុខងារមួយនេះសុំជំនួយពីខាងផ្នែកសង្គ្រោះបន្ទាន់ តាមរយ:ការស្កេនប្រព័ន្ទផ្កាយរណប ទោះបីជាទីកន្លែងដែលមានគ្រោះថ្នាក់នោះ នៅដាច់ស្រយាល ភ្នំ និងព្រៃ ក៏ដោយឲ្យតែមានទីតាំងស្រលាស់ល្អ អាចសុំជំនួយពីលើមេឃបានហើយ ៕
អត្ថបទដោយ៖ ព្រឹម ភក្តី
