កាលពីយប់មិញនៅក្នុងព្រឹត្តិការណ៍ WWDC 23 គឺ Apple បានធ្វើការបញ្ចេញ Software ក៏ដូចជាផលិតផលជាច្រើន ដោយមានទាំង Macbook Air 15អិញ Mac Pro, Mac Studio, វ៉ែនតា VR (Apple Vision Pro) ជាដើម ក្នុងនោះផងដែរ Apple ក៏បានធ្វើការបង្ហាញពីមុខងារជាច្រើនដែលនឹងមាននៅក្នុង iOS 17 ។
ចំពោះ iOS 17 នេះគឺ Apple នឹងធ្វើការបញ្ចេញជាប្រភេទ Version Offcial Beta នៅក្នុងកំឡុងខែ កក្កដា ខាងមុខនេះហើយ ចំពោះ Version ផ្លូវការគេនឹងបញ្ចេញវានៅខែកញ្ញា ផងដែរ។ ជាមួយគ្នានេះផងដែរ iOS 17 គឺមានមុខងារជាច្រើនដូចជា៖
NameDrop
សម្រាប់មុខងារមួយនេះគឺ Apple បានធ្វើការអាប់ឌែតទៅលើមុខងារ AirDrop ដោយយើងអាចធ្វើការចែករំលែកទំនាក់ទំនង(Contact Sharing) ឬការផ្ញើរហ្វាល់រូបភាព ក៏ដូចជាវីដេអូផ្សេង ដោយគ្រាន់តែដាក់ទូរស័ព្ទជិតគ្នានោះវានឹងធ្វើការផ្ទេទិន្នន័យចូលគ្នាតែម្តង។
Offline Maps
នៅក្នុង iOS Apple នឹងអនុញ្ញាតឲ្យអ្នកទាំងអស់គ្នាធ្វើការទាញយកផែនទីចេញពីទីតាំងណាមួយដែលអ្នកចង់បានទុកមើលពេលគ្មានសេវាអិនធឺនណេតក៏បានដែរ។
ក្រៅពីនេះគឺនៅមានមុខងារផ្សេងៗជាច្រើនទៀតដូចជា៖ StandBy LockScreen, New Journal App, Contact Poster, Live Voice Mail, Autocorrect, Assistive Access, Live Speech និងមុខងារមួយចំនួនទៀត។
ដោយឡែសម្រាប់មុខងារទាំងអស់នេះគឺមិនមែនអាចចូលទៅទាញយកមកប្រើប្រាស់បានគ្រប់ម៉ូដែលiPhone នោះទេ ពោលគឺទាល់តែម៉ូដែលទូរស័ព្ទដែលមានដូចខាងក្រោមនេះទើបអាចមានសិទ្ធចូលទៅប្រើប្រាស់បាន។
ទូរស័ព្ទដែលអាចគាំទ្រជាមួយ iOS 17
- iPhone XS & iPhone XS Max
- iPhone XR
- iPhone SE 2, iPhone SE 3
- iPhone 11, iPhone 11 Pro, iPhone 11 Pro Max
- iPhone 12, iPhone 12 mini, iPhone 12 Pro, iPhone 12 Pro Max
- iPhone 13, iPhone 13 mini, iPhone 13 Pro, iPhone 13 Pro Max
- iPhone 14, iPhone 14 Plus, iPhone 14 Pro Max, iPone 14 Pro Max
ដូចសសម្រាប់អ្នកដែលប្រើប្រាស់ជាមួយនឹង iPhone X គឺមិនអាចមានសិទ្ធក្នុការប្រើប្រាស់ iOS 17 បានទេ ពោលគឺចាប់ពី iPhon XS ឡើងទៅទើបអាចគាំទ្រជាមួយ iOS 17 នេះ។ ហើយសម្រាប់អ្នកទាំងអស់គ្នាវិញកំពុងប្រើប្រាស់ iPhone ម៉ូដែលអ្វីដែរ?
អត្ថបទដោយ៖ រិន មករា
