ទីបំផុតដំណឹងដែល Fan Apple កំពុងទន្ទឹងរង់ចាំបានមកដល់ហើយ ដោយយប់នេះគឺមានព្រឹត្តិការណ៍ពិសេស ដែល Apple នឹងធ្វើការផ្សាយផ្ទាល់តាមរយៈអនឡាញ។ ព្រឹត្តិការណ៍នោះមានឈ្មោះថា Far Out ដែលនឹងត្រូវផ្សាយផ្ទាល់នៅម៉ោង 12.00am យប់នេះ ហើយគេរំពឹងថា ក្នុងព្រឹត្តិការណ៍មួយនេះ Apple នឹងធ្វើការបញ្ចេញ iPhone 14, Apple Watch Series 8, AirPods Pro និងផលិតផលផ្សេងៗទៀត។
ជាក់ស្តែងសម្រាប់ព្រឹត្តិការណ៍នេះវិញគឺមានវិធីសាស្រ្តច្រើនសម្រាប់ឱ្យអ្នកទាំងអស់គ្នាអាចធ្វើការចូលទៅតាមដានការផ្សាយផ្ទាល់របស់ Apple បានមុនគេតែម្តង។ ចំពោះវិធីសាស្រ្តទាំងអស់នោះគឺមានដូចខាងក្រោម៖
YouTube
ឆ្លងថ្ងៃទី7 ចូលថ្ងៃទី8 ខែកញ្ញា ម៉ោង12.00am យប់នេះនៅលើ Channel ផ្លូវការរបស់ Apple នឹងចាប់ផ្តើមធ្វើការផ្សាយផ្ទាល់ព្រឹត្តិការ Far Out នេះតែម្តង ដូច្នេះដើម្បីកុំឱ្យខកខាន អ្នកទាំងអស់គ្នាអាចចុចលើលីង YouTube នេះហើយចុចលើពាក្យ Notify me ជាការស្រេច។
Website
មួយវិញទៀតប្រសិនបើអ្នកមិនចង់មើលនៅលើ YouTube អ្នកទាំងអស់គ្នាក៏អាចធ្វើការតាមដានលម្អិតនៅលើវេបសាយរបស់ Apple បានផងដែរ ចំពោះពេលវេលានៃការផ្សាយផ្ទាល់គឺដូចគ្នាទៅនឹង YouTube ដែរ ហើយអ្នកអាចចុចលីងខាងក្រោមដើម្បីតាមដាន។
តាមដានព្រឹត្តិការណ៍ Far Out នៅលើវេបសាយ
អត្ថបទដោយ៖ រិន មករា
