១./ កំណត់កម្រិត Resolution (Image Resolution) ឬ Picture size ឲ្យបានខ្ពស់បំផុត (Highest Quality)

• របៀបកំណត់: ចូលទៅកាន់កម្មវិធី Camera (កាមេរ៉ា) ស្វែងរក Settings រកមើលពាក្យ Picture size, Image quality, ឬ Resolution ជ្រើសរើសកម្រិត Resolution ដែលខ្ពស់បំផុត (ឧទាហរណ៍ ជ្រើសរើស 12MP, 50MP, 108MP ឬ High Quality)។
• មូលហេតុ: កម្រិត Resolution ខ្ពស់មានន័យថា រូបភាពមានចំនួនភីកសែល (Pixels) ច្រើន ដែលធ្វើឲ្យរូបភាពមានព័ត៌មានលម្អិតកាន់តែច្បាស់ហើយអាចពង្រីក ឬកាត់បានដោយមិនបាត់បង់គុណភាពខ្លាំងពេក។

២./ ប្រើមុខងារ HDR (High Dynamic Range) នៅពេលថតកន្លែងមានពន្លឺ

• របៀបប្រើ: បើកកម្មវិធី Camera រកមើលរូបសញ្ញា "HDR" នៅលើអេក្រង់កាមេរ៉ា បើក "On" ឬ "Auto"។
• មូលហេតុ: មុខងារនេះជួយចាប់យករូបភាពបានល្អិតល្អន់ទាំងនៅតំបន់ងងឹត (ស្រមោល) និងតំបន់ភ្លឺ (ពន្លឺព្រះអាទិត្យ) ក្នុងរូបភាពតែមួយ ដែលធ្វើឲ្យរូបភាពមានតុល្យភាពពន្លឺនិងពណ៌រស់រវើក។ ចំណាំថាមុខងារនេះល្អបំផុតសម្រាប់ថតទេសភាព ឬពេលថ្ងៃត្រង់។

គន្លឹះសំខាន់បន្ថែមមួយទៀតគឺ៖ ប្រើ Pro Mode (របៀបអាជីព) ដើម្បីគ្រប់គ្រងពន្លឺដោយខ្លួនឯង

• របៀបប្រើ: នៅក្នុងកម្មវិធី Camera app អូសទៅរកពាក្យ "Pro" ឬ "Manual"

·         ISO: កំណត់ ISO ទាប (100-400) នៅពេលមានពន្លឺគ្រប់គ្រាន់រូបភាពច្បាស់ល្អ គ្មានគ្រាប់អុជៗ។ កំណត់ ISO ខ្ពស់ (800+) នៅពេលថតកន្លែងងងឹត។

·         Shutter Speed: ប្រើ លឿន (1/500s ឡើង) ដើម្បីចាប់យករូបវត្ថុធ្វើចលនា។ ប្រើចលនាយឺត (1s - 10s) ដើម្បីថតទេសភាពពេលយប់ ឬពន្លឺភ្លើង ។

·         White Balance (WB): លៃតម្រូវពណ៌ឲ្យត្រូវតាមពន្លឺជាក់ស្តែង (ឧទាហរណ៍ ពន្លឺថ្ងៃ, ពន្លឺអំពូល) ជាដើម។

គូសបញ្ជាក់ផងដែរថា គន្លឹះទាំងពីរនេះគឺអាចអនុវត្តបានស្ទើរគ្រប់ម៉ូឌែលទូរស័ព្ទ Android ទាំងអស់ ទោះជាម៉ាក Samsung, Pixel, Huawei, Oppo, Vivo, ឬម៉ាកផ្សេងៗទៀតក៏ដោយ។ ហើយអាចអនុវត្តបានគ្រប់ស៊េរី (ទាំងចាស់ ទាំងថ្មី) ដោយគ្រាន់តែឈ្មោះជម្រើស និងលេខ Megapixel អាចខុសគ្នាតាមម៉ូឌែលនីមួយៗជាក់ស្តែង។