លើសពីការរៀបចំផែនការដើរកម្សាន្ត និងការចែករំលែកបទពិសោធន៍ពិតៗ Google បានសម្រួចមុខងារ Immersive Navigation ឱ្យកាន់តែវៃឆ្លាតជាងមុន។ តាមរយៈការបង្ហាញផ្លូវក្នុងទម្រង់ 3D យ៉ាងច្បាស់លម្អិត រួមផ្សំនឹងការណែនាំដោយសំឡេងបែបធម្មជាតិ មុខងារថ្មីនេះនឹងជួយឱ្យរាល់ការធ្វើដំណើររបស់អ្នកកាន់តែងាយស្រួល ជាក់ស្តែង និងពោរពេញដោយទំនុកចិត្ត។

បន្ថែមពីនេះ Google ក៏បានធ្វើបច្ចុប្បន្នភាពការណែនាំដោយសំឡេងឱ្យមានលក្ខណៈស្រដៀងមនុស្សនិយាយធម្មតាជាងមុន។ ជាឧទាហរណ៍ ប្រសិនបើអ្នកត្រូវចុះពីផ្លូវហាយវេនៅចំណុចចេញ ពីរខាងមុខ អ្នកនឹងឮការណែនាំដូចជា៖ សូមបើកហួសចំណុចចេញនេះ ហើយបត់ចូលចំណុចបន្ទាប់សម្រាប់ផ្លូវ... Illinois 43 South។

Google Maps នឹងជួយសម្រួលដល់ការធ្វើដំណើររបស់អ្នកកាន់តែឆ្លាតវៃ ដោយការប្រៀបធៀបគុណសម្បត្តិ និងគុណវិបត្តិនៃផ្លូវនីមួយៗ (ដូចជាផ្លូវវាងការកកស្ទះ ឬផ្លូវដែលត្រូវបង់ថ្លៃសេវា ឬផ្លូវកំពុងជួសជុល)។ បន្ថែមពីនេះ វានឹងផ្ដល់ដំណឹងបន្ទាន់អំពីស្ថានភាពរអាក់រអួលលើដងផ្លូវ (ការដ្ឋានសំណង់ ឬគ្រោះថ្នាក់ចរាចរណ៍) ដោយផ្អែកលើទិន្នន័យជាក់ស្ដែងពីសហគមន៍អ្នកប្រើប្រាស់ Google Maps និង Waze រួមបញ្ចូលគ្នា។

ដើម្បីប្រើប្រាស់មុខងារថ្មីរបស់ Google Maps អ្នកគ្រាន់តែធ្វើបច្ចុប្បន្នភាពកម្មវិធីឱ្យទៅជាកំណែចុងក្រោយបំផុតនៅក្នុង App Store ឬ Play Store ជាការស្រេច។ បន្ទាប់មក នៅពេលអ្នកស្វែងរកផ្លូវធ្វើដំណើរ អ្នកនឹងឃើញជម្រើស Immersive View សម្រាប់មើលទិដ្ឋភាព 3D (ក្នុងតំបន់ ឬទីតាំងប្រទេសដែលគាំទ្រ) រួមជាមួយព័ត៌មានលម្អិតអំពីស្ថានភាពចរាចរណ៍ ការដ្ឋានសំណង់ និងការប្រៀបធៀបផ្លូវបង់ថ្លៃ ឬផ្លូវវាង ដែលទិន្នន័យទាំងនេះត្រូវបានបញ្ចូលគ្នាដោយស្វ័យប្រវត្តិពីសហគមន៍អ្នកប្រើប្រាស់ Google និង Waze ដើម្បីជួយឱ្យអ្នកសម្រេចចិត្តជ្រើសរើសផ្លូវដែលល្អបំផុតសម្រាប់ធ្វើដំណើរ។