នៅឆ្នាំ២០៥០ ក្នុងវិស័យដឹកជញ្ជូនទាំងអស់ត្រូវប្រើប្រាស់ថាមពលអគ្គិសនី ដោយឡែកសម្រាប់ក្រុមហ៊ុនមួយចំនួននៅសហរដ្ឋអាមេរិកបានកំណត់គោលដៅក្នុងការអភិវឌ្ឍផលិតរថយន្តអគ្គិសនីសុទ្ធត្រឹមឆ្នាំ២០៣៥ ជាក់ស្តែងដូចជាក្រុមហ៊ុន GM (General Motor) បានដាក់ផែនការនៅឆ្នាំ២០៣៥ ដើម្បីផលិតរថយន្តអគ្គិសនីសុទ្ធ ។ បច្ចុប្បន្ននេះ GM បានកំពុងផលិតរថយន្តអគ្គិសនីហើយ ដូច GMC Hummer EV និង Chevy Silverado ជាដើម។
យោងតាមប្រភពពី Yahoo finance បានឲ្យដឹងថា ក្រុមហ៊ុនបុត្រសម្ពន្ធរបស់GM គឺ GMC បានចេញផលិតរថយន្តអគ្គិសនីប្រភេទភីបអាប់ថ្មី GMC Sierra Denali Edition 1 នឹងចាប់ផ្តើមដឹកជញ្ជូននៅដើម ឆ្នាំ២០២៤ ជាមួយតម្លៃដែលទើបតែប្រកាសជាផ្លូវការ ១០៧០០០ដុល្លារ ។
Sierra Denali ត្រូវបានបំពាក់ថ្មប្រភេទ Ultium ដូចគ្នាទៅនឹង Hummer និង Silverado ដែរ ដូច្នេះ GM បានប៉ាន់ស្មានថារថយន្តអគ្គិសនីនេះនឹងអាចរត់បានចម្ងាយ 643km សម្រាប់ការសាកពេញ ហើយរថយន្តភីបអាប់នេះមានកម្លាំងម៉ូទ័រទៅដល់574 HP និងកម្លាំងបង្វិល 785 lb-ft អមជាមួយនឹងទំហំកង់ 22-inch និងមានសមត្ថភាពក្នុងការអូសរហូតដល់ 4300តោនសម្រាប់លើការសាកថ្មល្បឿនលឿន DC សាកតែ ១០នាទី អាចរត់ចម្ងាយបាន 160Km ៕
អត្ថបទដោយ៖ ព្រឹម ភក្តី
