ជាដំណឹងដ៏ល្អសម្រាប់សិស្សានុសិស្សដែលជាបេក្ខជនមានឈ្មោះត្រូវចូលរួមប្រឡងមធ្យមសិក្សាទុតិយភូមិ (បាក់ឌុប) សម័យប្រលងឆ្នាំ២០២៥ នេះដោយសារតែក្រុមហ៊ុនឡាន Leapmotor KH បានប្រកាសផ្ដល់ជូននូវរង្វាន់រថយន្តអគ្គិសនីដែលជាសេរីថ្មី ១គ្រឿង។
រថយន្តអគ្គិសនី ម៉ូឌែល Leapmotor T03 បញ្ឈរជើងជាស្រេចរង់ចាំម្ចាស់ដែលជាបេក្ខជនប្រឡងបាក់ឌុប ដែលទទួលបានលំដាប់ពិន្ទុខ្ពស់ជាងគេបំផុតតែម្នាក់គត់ ប្រចាំសម័យប្រឡងមធ្យមសិក្សាទុតិយភូមិ (បាក់ឌុប) ឆ្នាំ២០២៥។
គួរជម្រាបផងដែរថា ការប្រឡងបាក់ឌុប នឹងត្រូវប្រព្រឹត្តទៅរយៈពេលពីរថ្ងៃពេញគឺ ថ្ងៃទី២៨ និង ទី២៩ ខែសីហា ឆ្នាំ២០២៥។ សូមឱ្យប្អូនៗបេក្ខជនប្រឡងទាំងអស់ ទទួលបាននូវលទ្ធផលល្អគ្រប់ៗគ្នា៕
