នេះជាឡាន Geely CoolRay ស៊េរីឆ្នាំ២០២៣ ដែលមានរាងបែបស្ព័រ ស៊ីម៉ាំងភ្លោះសងខាង កប់ខ្លាំងមែនទែន។ លក្ខណ:សម្បត្តិទាំងនេះ រកណាបានឡានតម្លៃជាង ៣ម៉ឺនដុល្លារស្តើងនោះ។ អ្វីដែលចំណុចក្តៅមួយទៀតនោះ ម៉ាស៊ីនរបស់ឡាននេះ មានបំពាក់ Turbocharge ធ្វើឲ្យឡានកាន់តែស្ទុះថែមទៀត។
បើយោងតាមទិន្នន័យពីខាង Geely Cambodia បានឲ្យដឹងថា ឡាន Geely CoolRay ស៊េរីឆ្នាំ២០២៣ ត្រូវបាននាំចូលមកស្រុកខ្មែរ ចំនួន ២ option ដែលទី១ mide-Trim (GS) ទី២ ជា High-Trim (GF ) ហើយតម្លៃក៏ខុសគ្នាផងដែរ។
អ្វីដែលធ្វើឲ្យឡាន Geely មួយនេះកាន់តែលេចធ្លោរខ្លាំងនោះ គឺទៅលើ Spoiler ក្រោយលៀនចេញមកក្រៅស្អាតខ្លាំងមែនទែន ជាមួយនឹងយ៉ាន់កង់ ទំហំ ១៨ អ៊ីញឌីហ្សាញបែបស្ព័រ ប្រៀបដូចឡានប្រណាំងអ៊ីចឹង។ បន្ថែមពីនេះចង្កៀន LED ខាងមុខជាប្រភេទភ្លើងប្រដេញ Daytime Running Light ជួយលើកសម្រស់ឡានកាន់តែស្អាតមួយកម្រិតទៀត។
បើយើងក្រឡេកទៅផ្នែកខាងក្នុងវិញម្តង អ្វីដែលរំភើបមុនគេនោះ គឺនៅពេលបានអង្គុយកៅអីដ៏ទន់និងមានផាសុខភាព។ សម្រាប់ឡានកញ្ចប់ថវិកជាង ៣ម៉ឺនដុល្លារនេះ គេក៏បានបំពាក់នូវអេក្រង់កម្សាន្តអាចចុចកញ្ចក់បាន ១០,២៥ អ៊ីញដោយបញ្ជារឧបករណ៍ផ្សេងតាមរយ:អេក្រង់នេះ បានមួយសេរី ដោយការឌីហ្សាញបែបនេះគេហៅវាថា GKUI Smart Ecosystem ។ ពីមុខតៃកុងមានជាអេក្រង់ LCD ទំហំ ៧អ៊ីញ ធំល្មមអាចទទួលបាន ។
ម្យ៉ាងវិញទៀត ចំពោះឡាននេះ គឺមានដំបូលកញ្ចក់អាចបើកបាន លៀតសន្ធឹងដល់អ្នកអង្គុយក្រោយ ដោយអាចឲ្យយើងមើលទេសភាពផ្សេងៗ នៅពេលដើរផ្លូវឆ្ងាយ។
គួរជំរាបផងដែរថា CoolRay ស៊េរីឆ្នាំ២០២៣ ត្រូវបានបំពាក់ជាមួយនឹងម៉ាស៊ីនប្រភេទ G-Power ចំណុះ 1.5L មានturbocharge ដោយម៉ាស៊ីនអាចផលិតកម្លាំង ១៧៩សេះ និងកម្លាំងរមួល ២៥៥ញ៉ូតុនម៉ែត្រ អមជាមួយការបើកបរបែបស្ព័រ មានលេខ Paddle shifter អាចលេងលេខចុះឡើងបានរហូតដល់ ៧លេខ មិនត្រឹមតែប៉ុណ្ណោះគេក៏មាន Drive Mode ចំនួន ៣ ផងដែរ មានដូចជា Normal Economy និង Sport។ គួរបញ្ជាក់ផងដែរថា ឡាន Geely CoolRay នេះមានតម្លៃតែជាង ៣ម៉ឺនដុល្លារស្តើងតែប៉ុណ្ណោះ។ ប្រសិនបងប្អូនចាប់អារម្មណ៍អាចទំនាក់ទំនងទៅកាន់ហ្វេសប៊ុកផេកផ្លូវការរបស់ Geely Cambodia ៕
អត្ថបទដោយ៖ ព្រឹម ភក្តី
