Ford Focus ត្រូវបានបង្កើតឡើងមកនៅឆ្នាំ ២០១៨ ស្ថិតក្នុងរោងចក្រ Saarlouis នៃប្រទេសអាល្លឺម៉ង រថយន្តប្រភេទ hatchback នេះផងដែរ នឹងត្រូវបញ្ចប់ជិវិតនៅ ៣ ឆ្នាំខាងមុខ ជាមួយការអះអាងរបស់ប្រធានក្រុមហ៊ុនប្រចាំប្រទេសអាល្លឺម៉ងបានបញ្ជាក់ ។
យោងតាមការចុះផ្សាយពីគេហទំព័រ Forbes បានឲ្យដឹងថា រោងចក្រនៅអាល្លឺម៉ង កំពុងមានការព្រួយបារព្ភ ក្នុងការ បិទរោចចក្រ Saarlouis នៅឆ្នាំ ២០២៥ ដោយសារបញ្ហាមួយចំនួនដែលបណ្ដាលមកពីឥទ្ធិពលនៃការផ្លាស់ប្តូររបស់រថយន្តអគ្គិសនី EVs ព្រមទាំងក្នុងធ្លាក់ចំណូលយ៉ាងខ្លាំងអំពីការលក់ ។
បើយោងតាមសម្តីរបស់នាយកប្រតិបត្តិធំរបស់ Ford នៅអឺរ៉ុប លោក Stuart Rowley បានថ្លែងក្នុងសន្និសិទមួយកាលពីកន្លងទៅគាត់កំពុងតែរកនៅឱកាសជំនួយពីក្រុមហ៊ុនដទៃ សម្រាប់ស្តារស្ថានការនាពេលខាងមុខ ក៏ដូចជាបច្ចុប្បនេះ ។
ផ្ទុយមកវិញ បច្ចុប្បន្ននេះ សម្រោលរបស់ Ford Focus នៅតែបន្តរត់លើវិថីដែលមិនទាន់ដឹងទីបញ្ចប់នៅឡើយ ជាក់ស្តែងកាលថ្មីៗនេះ ក្នុងឆានែលយូធូប AutoTopTL បានយករថយន្ត Ford Focus ST-Line ស៊េរីឆ្នាំ ២០២៣ មកតេស្តសាកល្បងល្បឿន ព្រមទាំងភាពស្ទុះរបស់រថយន្តមួយនេះ ។
Focus ST-Line មានម៉ាស៊ីនចំណុះ ២.៣ លីត្រ ប្រើជាមួយ Turbo ខុសពីម៉ូដែលធម្មតាដែលមានតែម៉ាស៊ីន ១.០លីត្រ និងប្រើជានូវបច្ចេកវិទ្យាជំនួយដូចទៅរថយន្ត EcoSport ដែរ ដែលប្រើជា EcoBoost ជំនួយឲ្យ Turbo ។ Focus ST-Line ដំណើរការដោយប៊ុង ១ ឬ កង់ខាងមុខ Front-wheel dive ហើយម៉ាស៊ីនប៉ុណ្ណេះអាចផលិតកម្លាំងបាន ២៨០ សេះ និងកម្លាំងរមូរ ៤៥០ ញ៉ូតុនម៉ែត្រ ព្រមទាំងមានល្បឿនខ្ពស់បំផុតរហូតដល់ ២៥០គ.ម/ ម៉ ដោយចំណាយពេលតែ ៥.៧ វិនាទីទេ រថយន្តនេះអាចស្ទុះពីសូន្យដល់ ១០០ គ.ម/ម៉ ភ្លាមៗ ៕
ប្រភពផ្សេងទៀត៖ Motor1.com
អត្ថបទដោយ៖ ព្រឹម ភក្តី
