គ្រោះរញ្ជួយដីកម្រិត ៧.៧រ៉ិចទ័រ បានវាយប្រហារកណ្តាលប្រទេសមីយ៉ាន់ម៉ា កាលពីថ្ងៃទី២៨ ខែមីនា ឆ្នាំ២០២៥ បណ្តាលឲ្យមានការបំផ្លិចបំផ្លាញយ៉ាងដំណំ និងសម្បត្តិរដ្ឋជាច្រើន។ មីយ៉ាន់ម៉ាបានប្រកាសដាក់ប្រទេសក្នុងគ្រាអាសន្ននៅក្នុងតំបន់ចំនួនប្រាំមួយ រួមទាំងទីក្រុង មេដាឡេ ណេព្យេដរ៍ ហើយបានស្នើសុំជំនួយអន្តរជាតិដ៏កម្រមួយផងដែរ។
នៅទីក្រុងបាងកកប្រទេសថៃ ការរញ្ជួយដីបានបណ្តាលឱ្យអគារខ្ពស់កម្ពស់ ៣០ ជាន់ បាក់ស្រុត គ្រោះថ្នាក់រញ្ជួយដី ថៃរកឃើញរបួស៥០នាក់ និងស្លាប់០៣នាក់ មិនទាន់បញ្ជាក់សញ្ជាតិនៅឡើយទេ។ ទីក្រុងបាងកក ត្រូវបានប្រកាសថាជាតំបន់គ្រោះមហន្តរាយ ដោយមានក្រុមសង្គ្រោះបន្ទាន់។
ថ្លែងពីខេត្តភូកេត នាយករដ្ឋមន្ត្រីបានបញ្ជាឱ្យមានការឆ្លើយតបសម្របសម្រួលទូទាំងក្រសួងរដ្ឋាភិបាលទាំងអស់ ដើម្បីដោះស្រាយស្ថានការណ៍ដែលកំពុងវិវត្ត។ សកម្មភាពបន្ទាន់ត្រូវបានធ្វើឡើងដើម្បីជូនដំណឹង និងការពារសាធារណៈជន។ ក្រសួងសេដ្ឋកិច្ច និងសង្គមឌីជីថល ត្រូវបានណែនាំឱ្យតាមរយៈការបញ្ជូនសារ SMS ជូនដំណឹងអំពីគោលការណ៍ណែនាំសុវត្ថិភាពសំខាន់ៗ។
ទន្ទឹមនឹងនេះ សេចក្តីជូនដំណឹងសេវាសាធារណៈកំពុងត្រូវបានផ្សព្វផ្សាយតាមគ្រប់វេទិកាព័ត៌មានទាំងអស់។ កម្លាំងសន្តិសុខត្រូវបានដាក់ពង្រាយដើម្បីធានាសុវត្ថិភាពសាធារណៈ ខណៈដែលក្រសួងធនធានទឹក និងឧតុនិយម កំពុងវាយតម្លៃសកម្មភាពរញ្ជួយដី និងព្យាករណ៍ការរញ្ជួយដែលអាចកើតមាននាពេលអនាគត។
មកទល់នឹងវេលានេះម៉ោង ១២ រំលងអាធ្រាត្រនៅប្រទេសមីយ៉ាន់់ម៉ា
- មនុស្សស្លាប់សរុប ១៤៤ នាក់
- អ្នករបួសកើនដល់ ៧៣២ នាក់
និងប្រទេសថៃ
- ស្លាប់សរុប 10 នាក់
- បាត់ខ្លួនសរុប 101 នាក់ (ពុំទាន់រកឃើញ)
ប្រភព៖ AP News, The Guardian, Malay Mail, Bangkok Post, Earthquake News Everyday
សម្រួលអត្ថបទឡើងវិញដោយ : ងួន ឃុនណា
