នៅក្នុងកិច្ចសម្ភាសន៍ជាមួយក្រុមហ៊ុនការងារចាបខៀវ (Technology Cambodia) លោកស្ទេវិន ភិច (Steven Phich) បានជម្រាបថា eOcontent គឺជាដំណោះស្រាយ AI ដែលយើងបានសហការជាមួយ OpenAI របស់ Elon Mask ដោយ AI នេះមានសម្ថតភាពខ្ពស់ខ្លាំងណាស់ ក្នុងការបង្កើតមាតិកាស្ទើរតែគ្រប់ប្រភេទ និងទាក់ទាញ ប្រៀបបានដូចជាម្ចាស់អាជីវកម្មមាន អ្នកសរសេរមាតិកាដែលមានជំនាញវិជ្ជាជីវៈនៅក្បែរខ្លួន 24ម៉ោង/7ថ្ងៃអ៊ីចឹង។

លោកបន្តថា “មូលហេតុដែលសម្រេចចិត្ដរៀបចំ eOcontent ឡើងគឺដោយសារមើលឃើញថា  ការសរសេរមាតិកាដែលមានគុណភាពខ្ពស់មានភាពខ្វះខាតខ្លាំង  និងមានការប្រឈមសម្រាប់អាជីវកម្មជាច្រើនក្នុងប្រទេសកម្ពុជា នាពេលបច្ចុប្បន្ននេះ។ ដូចនេះហើយ eOcontent គឺ ចូលខ្លួនមកដើម្បីជាជំនួយ ជួយដោះស្រាយរាល់បញ្ហា ទាក់ទងនឹងការបង្កើតមាតិកាសម្រាប់ម្ចាស់អាជីវកម្មគ្រប់ប្រភេទ ជាពិសេសសម្រាប់អ្នកដែលមាន អាជីវកម្មផ្នែកបដិសណ្ឋារកិច្ចតែម្ដង។

ស្ថាបនិករូបនេះ បានសង្កត់ធ្ងន់ថា ចំណុចពិសេសរបស់ eOcontent គឺងាយស្រួលប្រើ និងមានប្រសិទ្ធភាពខ្ពស់ សូម្បីតែអ្នកគ្មានបទពិសោធន៍ក្នុងការបង្កើតមាតិកា ឬ គ្មានបទពិសោធន៍បង្កើត SEO សរសេរលើ  Social Media ឬបណ្ដាញសង្គម ក៏អាចធ្វើបានយ៉ាងងាយស្រួល  ដោយគ្រាន់តែឆ្លងកាត់បីជំហានងាយៗប៉ុណ្ណោះ៖

• ជំហានទី 1៖ ជ្រើសរើសគំរូដើម្បីបង្កើតមាតិកាដែលចង់បាន។
• ជំហានទី 2៖ បំពេញទម្រង់ស្នើសុំ AI ជាមួយនឹងការពិពណ៌នាលម្អិត។
• ជំហានទី 3៖ ទទួលបានលទ្ធផលដែលមានគុណភាពខ្ពស់ដែលអ្នកអាចយកទៅប្រើប្រាស់បាន។

សម្រាប់លក្ខខណ្ឌក្នុងការចូលប្រើប្រាស់ eOcontent គឺងាយៗ ដោយអ្នកប្រើប្រាស់ត្រូវបង្កើតគណនីមួយ ហើយដាក់ចូលលេខសម្ងាត់គឺរួចជាការស្រេច។ អ្នកប្រើប្រាស់អាចរីករាយជាមួយជម្រើសហ្វ្រ៊ី តែសម្រាប់ជម្រើសប្រើប្រាស់មាតិការពេញលេញគឺតម្រូវអោយអ្នកប្រើប្រាស់បង់លុយប្រចាំខែ។

លោកបានបន្ថែមថាសមត្ថភាពរបស់ eOcontent គឺវាអាចបង្កើតមាតិការស្ទើគ្រប់ទម្រង់ ជាមួយនឹងគំរូជាង 50 ដែលអាចឲ្យយើងប្រើប្រាស់បាន។ eOcontent ផ្តល់នូវមធ្យោបាយដ៏មានប្រសិទ្ធភាព ក្នុងការបង្កើតមាតិកាដោយស្វ័យប្រវត្តិ ងាយស្រួលនិងឆាប់រហ័ស សន្សំពេលវេលាបានគុណនឹង១០ដង។ ហើយមាតិកាដែលចេញមកសុទ្ធតែជាមាតិកា ប្រកបដោយការច្នៃប្រឌិតមានស្ដង់ដារខ្ពស់បំផុតក្នុងការ យកទៅប្រើប្រាស់បាន។

បើនិយាយថា តើនរណាខ្លះដែលអាចប្រើ គឺ eOcontent ត្រូវជាមួយនឹងម្ចាស់អាជីវកម្មគ្រប់ប្រភេទ  អ្នកបង្កើតមាតិកា Influencer  អ្នកជំនួញ អ្នកទីផ្សារឌីជីថល សាស្រ្តាចារ្យ អ្នកគ្រប់គ្រង social media នឹង ផ្សេងៗទៀតជាច្រើន  ។ ជាពិសេស  នៅក្នុងគោលបំណងដំបូងរបស់យើង ដែលមានអាជីវកម្មផ្នែកបដិសណ្ឋារកិច្ចដោយសារពួកគាត់គឺចំបាច់ក្នុងការប្រើប្រាស់វាជាប្រចាំថ្ងៃតែម្ដង។

ជាចុងក្រោយលោកបានបញ្ជាក់ថា សម្រាប់ eOcontent ទៅថ្ងៃអនាគត! ក្នុងន័យទីផ្សារគឺយើងចង់អោយប្រជាជនខ្មែរប្រើប្រាស់ដើម្បីសម្រួលការងារប្រចាំថ្ងៃរបស់គាត់អោយកាន់តែល្អប្រសើរជាងមុន តាមរយៈការប្រើប្រាស់មាតិកា។ ក្នុងន័យអភិវឌ្ឃន៍កម្មវិធី យើងនឹងប្រែក្លាយកម្មវិធីនេះជាកម្មវិធីស្ដង់ដារបំផុត នៅកម្ពុជានិងកាន់តែភាពងាយសម្រួលក្នុងការប្រើប្រាស់៕” ទំនាក់ទំនងតាមរយៈលេខទូរស័្ទ 089 99 1005 / 016 99 1005 

អត្ថបទដោយ៖ ផែន ផាន់ណា