ជាទូទៅអ្នកប្រើប្រាស់ Email ភាគច្រើនបានភ្ជាប់អាខោនរបស់ខ្លួនទៅនឹងកម្មវិធីផ្សេងៗតាមតម្រូវការនានាដូចជាកម្មវិធីសិក្សា ការងារ កុងធនាគារ ហ្គេមកម្សាន្ត និងកម្មវិធីផ្សេងៗទៀត តែអ្នកប្រើប្រាស់មួយចំនួនក៏បានភ្ជាប់ Email របស់ខ្លួនដោយមិនដឹងខ្លួនទៅនឹងកម្មវិធី ឬវេបសាយដែលបង្ករជាការរំខានដល់អ្នកប្រើប្រាស់ដូចជាលោតសារជូនដំណឹងជាច្រើន និងអាចធ្វើឲ្យអ្នកប្រើប្រាស់ងាយភ្ជាប់អាខោនខ្លួនទៅនឹងកម្មវិធីក្លែងក្លាយដែលអាចឲ្យជនមិនស្គាល់មុខបន្លំចូលលួចទិន្នន័យក្នុងអាខោនក៏ថាបាន។
ដូច្នេះកុំចាំយូរទាំងនេះជារបៀបក្នុងការផ្តាច់ចោលនូវកម្មវិធី ឬវេបសាយរញេរញៃចោលក្នុងអាខោន Email របស់យើង។
• ដំបូងអ្នកទាំងអស់គ្នាចូលទៅកាន់អាខោន Email របស់យើងតាមរយៈ Google បន្ទាប់មកទៀតចុចលើរូបលើអាខោនរបស់យើងដែលស្ថិតនៅខាងស្តាំដៃ
• នៅពេលដែលអ្នកទាំងអស់គ្នាចុចលើអាខោនរួចនឹងឃើញពាក្យថា Manage your Google Account រួចចុចលើពាក្យនោះ
• បន្ទាប់មកអ្នកទាំងអស់គ្នានឹងចូលទៅ Google Account ដោយរើសយកពាក្យ Security (សុវត្ថិភាព)
• បន្ទាប់មកអូសចុះក្រោមរហូតដល់អ្នកទាំងអស់គ្នាឃើញពាក្យ Your Connection to third-party apps & service
• រួចចុចលើពាក្យ See all connections នោះវានឹងបង្ហាញនូវកម្មវិធី ឬវេសាយដែលអ្នកទាំងអស់គ្នាបានភ្ជាប់
• ដូច្នេះអ្នកទាំងអស់គ្នាអាចចុចលើកម្មវិធីណាមួយដែលចង់ផ្តាច់ចេញ បន្ទាប់មកយកពាក្យ Delete all connections you have with ដែលស្ថិតនៅផ្នែកខាងក្រោម និងយកពាក្យ Confirm រួចជាការស្រេច។
គូសបញ្ជាក់ថានៅពេលដែលអ្នកទាំងអស់គ្នាបានផ្តាច់នូវកម្មវិធីដែលមិនចាំបាច់ចោលនោះអាខោនរបស់អ្នកទាំងអស់គ្នានឹងនៅសល់កន្លែងផ្ទុកទិន្នន័យច្រើនដែលមិនងាយពេញ Storage ជាពិសេសវាក៏ការពារនូវមេរោគផ្សេងៗ ការពារការ Hack ពីជនមិនស្គាល់មុខតាមរយៈការចុចភ្ជាប់អាខោន Email ដោយចៃដន្យណាមួយផងដែរ។
អត្ថបទដោយ៖ ងួន ឃុនណា
