ជាមួយនឹងការអភិវឌ្ឍនៃបច្ចេកវិទ្យា Deepfakes ពីមួយថ្ងៃទៅមួយថ្ងៃ ធ្វើឱ្យការបែងចែករវាងភាពពិតនិងក្លែងក្លាយកាន់តែមានការលំបាកជាងមុន ដោយកាលពីមុនយើងចំណាំនិយាយថា បើសង្ស័យអាចធ្វើការខលវីដេអូនិយាយគ្នាបាន ដោយពេលស្ត្រីរងគ្រោះខាងលើខលទៅ ឃើញរូប និង ស្ដាប់សម្លេងប្រហាក់ប្រហែលទៅនឹង Elon ក៏លង់ចាញ់បោក។

ស្ត្រីរង់គ្រោះមិនត្រូវបានគេបញ្ចេញអត្តសញ្ញាណនោះទេ តែគ្រាន់ដឹងថាជាប្រជាជនកូរ៉េខាងត្បូង ដោយចាប់ផ្ដើមមានទំនាក់ទំនងជាមួយគណនី Instagram របស់ Elon ក្លែងក្លាយតាំងតែពីខែកក្កដាឆ្នាំ ២០២៣ មកម្លេះ។

តាមប្រភពព័ត៌មានក្នុងស្រុកបានឱ្យដឹងថាគាត់លង់ជឿ Elon ក្លែងក្លាយនោះបន្តិចម្ដងៗ ដោយមានការផ្ញើរូបទាក់ទងទៅនឹង ID Card និង រូប Elon កំពុងធ្វើការផងដោយមើលទៅមានលក្ខណៈដូចមនុស្សពិតមែនទែន។

ករណីឆបោកបែបស្នេហាលើអនឡាញ ឬ Romance Scam នេះមិនមែនជារឿងថ្មីនោះទេ តែជាមួយនឹងការរីកសុះសាយនៃបច្ចេកវិទ្យា AI បន្ថែមទៀត ធ្វើឱ្យទម្រង់នៃការបោកកាន់តែមានលក្ខណៈកាន់តែឈានទៅមុខមួយកម្រិតទៀត៕