ការស្នើសុំនេះផ្តោតជាពិសេសទៅលើ ៣ វិស័យអាទិភាព ដែលជាឆ្អឹងខ្នងនៃសេដ្ឋកិច្ច និងការងាររួមមាន៖

ទី១-វិស័យកាត់ដេរ-វាយនភណ្ឌ

ទី២-ស្បែកជើង

ទី៣-សម្ភារៈធ្វើដំណើរ 

ថ្លែងក្នុងសិក្ខាសាលាផ្សព្វផ្សាយរបាយការណ៍វឌ្ឍនភាព នៃការអនុវត្តវិធានការកំណែទម្រង់មុតស្រួចជាកញ្ចប់ ដែលបានដាក់ចេញក្នុងវេទិការាជរដ្ឋាភិបាល-ផ្នែកឯកជន លើកទី១៩ ប្រចាំឆមាសទី១ ឆ្នាំ២០២៥ នាព្រឹកថ្ងៃទី២៧ ខែវិច្ឆិកា ឆ្នាំ២០២៥នេះ ឯកឧត្តមឧបនាយករដ្ឋមន្ត្រីបានគូសបញ្ជាក់ថា កម្ពុជាសង្ឃឹមថានឹងទទួលបានការបន្ធូរបន្ថយពន្ធបន្ថែមទៀត ក្រោម ១៩% ឬអាចដល់ ០% តែម្ដង។

ឯកឧត្តមឧបនាយករដ្ឋមន្ត្រីបានបញ្ជាក់បន្ថែមថា៖ «យើងនៅតែបន្តចរចាជាមួយសហរដ្ឋអាមេរិក មិនឈប់នោះទេ ដើម្បីធ្វើការសុំបញ្ចុះពន្ធបន្ថែមទៀត សំដៅធ្វើយ៉ាងណាទាក់ទាញអ្នកវិនិយោគបន្ថែមលើវិស័យទាំងនេះ ដើម្បីបង្កើតការងារឱ្យបានច្រើនជូនពលរដ្ឋ»៕