ដោយសារនៅតាមបុរីជាច្រើនជុំវិញទីក្រុងភ្នំពេញ ជួបនូវផលពិបាករឿងមិនសូវមានសេវាអ៊ីធើណេតសម្រាប់ប្រើប្រាស់ ក៏ដូចជាអ្នកនៅក្នុងបុរីត្រូវការអ៊ីធើណេតល្បឿនលឿនប្រើ ដូច្នេះក្រសួងបានរៀបចំស្នើរសុំរដ្ឋភិបាលឲ្យបំពាក់ អ៊ីធើណេត 5G នៅក្នុងបុរីប៉េងហួត បឹងស្នោរ បានប្រើមុនគេ។
យោងតាមការចេញផ្សាយពី ក្រសួងប្រៃសណីយ៍ និងទូរគមនាគមន៍ បានឲ្យដឹងថា ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និង ទូរគមនាគមន៍ទូរគមនាគមន៍ បានបង្ហាញពីការធ្វើឲ្យប្រសើរឡើងនូវគុណភាពសេវាទូរគមនាគមន៍នៅបុរី ប៉េងហួត បឹងស្នោរឲ្យល្អជាងមុន ៧០% ។
ឆ្លៀតក្នុងនាឱកាសនោះ ឯកឧត្តមរដ្ឋមន្ត្រី បានលើកឡើងពីគោលបំណងស្នើសុំទៅរាជរដ្ឋាភិបាលក្នុងការសាកល្បងដំណើរសេវា 5G នាពេលអនាគត នៅបុរីប៉េងហួត មុនគេ និងស្នើឱ្យអ្នកមានលទ្ធភាពអាចទិញទូរសព្ទដែលអាចប្រើបានទាំង 4G និង 5G ឱ្យបានកាន់តែច្រើន ព្រោះបច្ចុប្បន្នមានត្រឹមប្រមាណ៤០ម៉ឺនគ្រឿង។
គួរជំរាបផងដែរថា បន្ទាប់ពីក្រុមការងារបានសាងសង់ “បង្គោលអង់តែនរួម” បន្ថែមចំនួន ១២បង្គោល ដែល “បង្គោលអង់តែនរួម” នីមួយៗអាចបំពាក់បានស្ថានីយ៍អង់តែនរបស់ប្រតិបត្តិកររហូតដល់ ៣ក្រុមហ៊ុន។ គិតត្រឹមថ្ងៃទី២៧ ខែមករា ស្ថានីយ៍អង់តែនបន្ថែមចំនួន២៩ បានដាក់ឱ្យដំណើរការ ហើយប្រតិបត្តិករនឹងបន្តបំពាក់ស្ថានីយ៍អង់តែនបន្តទៀតរហូតគ្រប់ចំនួនតាមការគ្រោងទុក៕
អត្ថបទដោយ៖ ព្រឹម ភក្តី
