ទាំងអស់គ្នាប្រហែលជាធ្លាប់ឃើញហើយរូបូត Atlas ដើម ដែលគេល្បីរឿងលោតហក់ត្រឡប់ក្រោយ ប៉ុន្តែរូបូតសេរ៊ីចាស់នោះគេប្រើប្រភេទបូម អ៊ីដ្រូលិក ក្នុងការធ្វើឱ្យវាមានចលនា តែសម្រាប់ Atlas សេរ៊ីថ្មី All New Atlas នេះប្រើអគ្គិសនីសុទ្ធតែម្ដង ធ្វើឱ្យវាកាន់តែស្ថាត់ ស្រាល ហើយបើមើលតាមវីដេអូរូបូតនេះមានលក្ខណៈបត់បែនបានច្រើនមែនទែន។

លក្ខណៈសម្បត្តិ Specs លម្អិតខាង Boston Dynamics មិនទាន់បញ្ចេញនោះទេ ប៉ុន្តែគេដឹងច្បាស់ថា Atlas ជំនាន់ចុងក្រោយនេះខ្លាំង ជាងជំនាន់មុនឆ្ងាយ ហើយលើសពីត្រឹមយន្តមានរាងស្រដៀងមនុស្សរូបូតនេះធ្វើការបានលើសពីមនុស្សឆ្ងាយ។

ការប្រកាសរបស់ Boston Dynamics ដែលជាអ្នកលេងជើងចាស់ក្នុងវិស័យរូបូតតិចនេះ ជាការឆ្លើយតបដោយប្រយោលទៅនឹងគម្រោងលាក់ៗរបស់ Tesla លើ Project Optimus ជារូបូតបែបមនុស្សយន្តស្រដៀងគ្នានេះ ហើយក្នុងគោលដៅដូចគ្នាគឺប្រើប្រាស់សម្រាប់ ឧស្សាហកម្ម ឬ ក៏ជួយមនុស្សក្នុងគ្រាអាសន្ន និង ធ្វើការមិនចាំបាច់ត្រូវការមនុស្ស។