ក្រុមហ៊ុនយក្សធំ BMW ដែលមានបទពិសោធន៍លើរថយន្តទំនើបៗ បែបស្ព័រមានអាយុកាល ១០៦ឆ្នាំហើយ ពេលនេះកំពុងគ្រោងខ្ចីបច្ចេកវិទ្យាថ្មរថយន្តអគ្គិសនីពីខាងក្រុមហ៊ុនកំពុងតែល្បីឈ្មោះបោះសំឡេងលើការលក់រថយន្តអគ្គិសនី(EVs) បានច្រើនជាងគេ ដោយអាយុ១៩ ទើបតែមានពេញវ័យនោះទេ ។
បើយោងតាមគេហទំព័រ Electrek.co បានឲ្យដឹថា BMW បំណងចង់យកកោសិកាថ្មទំហំធំ 4680 (46mm x 80mm)ជាផលិតថ្មីរបស់ Tesla ដោយត្រូវបានផ្គត់ផ្គង់ពីដៃគូសហការជាមួយនឹងក្រុមហ៊ុនផលិតថ្ម EVE Energy Co Ltd ក្នុងប្រទេសចិន ។
បើយោងតាមប្រភពពី Reuters បានឲ្យដឹងថា កាលពីពេលថ្មីៗនេះ ក្រុមហ៊ុន EVE Energy Co Ltd បានចុះហត្ថលេខាលើកិច្ចព្រមព្រៀងផ្គត់ផ្គង់ថាមពលកោសិកាថ្មទំហំ 4680 របស់ Tesla ទៅកាន់ក្រុមហ៊ុន BMW ក្នុងគោលបំណងដើម្បីត្រៀមខ្លួនវាយលុកទីផ្សាររថយន្តអគ្គិសនីនៅអឺរ៉ុបនៅឆ្នាំ២០២៥ ។
គួរបញ្ជាក់ផងដែរថា ចំពោះកោសិកាថ្មប្រភេទ 4680 ត្រូវបានក្រុមហ៊ុន Tesla រកឃើញនិងសិក្សាស្រាវជ្រាវលេចជារូបរាងមកតាំងពីឆ្នាំ២០២០ គិតមកដល់នេះ ថ្មប្រភេទ 4680 ត្រូវបានបំពាក់លើរថយន្តអគ្គិសនី Tesla Model Y នៅរោងចក្រ Gigafactory Texas នៅរដ្ឋតិចសាស់ដែលជាតំបន់កណ្តាលភាគខាងត្បូងនៃសហរដ្ឋអាមេរិក ៕
អត្ថបទដោយ៖ ព្រឹម ភក្តី
