នៅក្នុងព្រឹត្តិការណ៍អាស៊ានប៉ារ៉ាហ្គេមលើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ ខាង CAMSOC បានសម្រេចដាក់ចូលវិញ្ញសាកីឡាជាផ្លូវការចំនួន ១៤ ក្នុងនោះក៏មានវិញ្ញាសាកីឡា E-Sport ជនពិការបុរស Mobile Legends Bang Bang ផងដែរ ។
សម្រាប់ក្រុមកីឡាករតំណាងប្រទេសកម្ពុជា ត្រូវប្រកួតលើវិញ្ញសាកីឡា E-Sport : Mobile Legends Bang Bang មានចំនួន ៨នាក់ ដោយត្រូវបានបែងចែកនូវតួនាទីផ្សេងៗគ្នា រួមមាន៖
- LEEXIN (ជាអ្នកគ្រប់គ្រង)
-KAKA 42 (តួនាទី COACH ជាគ្រូបង្វិក )
- CHIM JOHN (តួនាទី MID LANE)
- Uk VIRAKSATYA (តួនាទី ROAMER )
- VICKET SOKCHEA (តួនាទី Gold Lane )
-CHOK PHEARAK (តួនាទី JUNGLE )
-ROUEN CHANNY (តួនាទី EXP LANE )
-KHENG SOPHORN(តួនាទី SUB-EXP )
គួរជំរាបផងដែរថា សម្រាប់ព្រឹត្តិការណ៍អាស៊ានប៉ារ៉ាហ្គេមលើកទី១២ ឆ្នាំ២០២៣ នឹងធ្វើឡើងចំនួន ១០ថ្ងៃ ចាប់ពីថ្ងៃទី០១ ដល់ ទី១០ ខែមិថុនា ឆ្នាំ២០២៣ ។ សម្រាប់បងប្អូនទាំងអស់គ្នាមានពាក្យពេចន៍ចង់និយាយទៅពួកគាត់ដែរឬទេ?
សម្រាប់ ចាបខៀវ ពិតជាមានចិត្តកោតសរសើរខ្លាំងមែនទែន សម្រាប់ក្រុមតំណាងជាតិកម្ពុជាយើងដែលហ៊ានលះបង់ទាំងកម្លាំងកាយចិត្តឡើងប្រកួតតំណាងប្រទេស ទោះបីជាពួកគាត់ជាជនពិការ ប៉ុន្តែកម្លាំងចិត្ត និងបញ្ញា ភាពរហ័សរហួន ភាពវ៉ៃឆ្លាតមិនចាញ់មនុស្សដែលមានកាយសម្បទាគ្រប់គ្រាន់នោះទេ ពីក្រុមការងារចាបខៀវ ជូនពរឲ្យទទួលបានជ័យជំនះ មេដាយមាស ក្នុងការប្រកួតកីឡាអាស៊ានប៉ារ៉ាហ្គេមលើកទី១២ នាពេលឆាប់ៗនេះ ៕
អត្ថបទ៖ ព្រឹម ភក្តី