Apple ID ដែលបច្ចុប្បន្នត្រូវបានគេហៅជាផ្លូវការថា Apple Account គឺជាគណនីអ្នកប្រើប្រាស់ដែលអ្នកប្រើអាចចូលប្រើសេវាកម្ម Apple ដូចជា App Store, Apple Music, iCloud, iMessage, FaceTime, Game និងមុខទំនិញជាច្រើនទៀត នៅលើឧបករណ៍ទាំងអស់របស់អ្នកប្រើប្រាស់។
ជាទូទៅ Apple បានអនុញ្ញាតឱ្យអ្នកពិនិត្យមើលឧបករណ៍ (Device) ណាខ្លះដែលគណនី Apple របស់អ្នក (Apple ID) បានចូលប្រើប្រាស់ដោយផ្ទាល់តាមរយៈការកំណត់ប្រព័ន្ធ iPhone និង Mac។ ប្រសិនបើ Apple ID មួយប្រើគ្នា ២ នាក់ឡើងទៅ ប្រាកដណាស់ Apple ID នោះនិងលែងមានសុវត្ថិភាព មានន័យថា ប្រសិនបើ Apple ID របស់អ្នកត្រូវបានលួចចូល អ្នកបោកប្រាស់អាចទទួលបានសិទ្ធិចូលប្រើព័ត៌មានផ្ទាល់ខ្លួន ទិន្នន័យក្នុងឧបករណ៍របស់អ្នក ដែលអាចនាំឱ្យមានការលួចអត្តសញ្ញាណ ការបាត់បង់ផ្នែកហិរញ្ញវត្ថុ និងការរំលោភបំពានលើភាពឯកជនផ្សេងៗ។
នៅលើកុំព្យូទ័រ Mac សូមចុចលើរូបសញ្ញា Apple ដែលនៅជ្រុងខាងឆ្វេងខាងលើ បន្ទាប់មកយកពាក្យ "System Settings" ចុចលើឈ្មោះរបស់អ្នក ហើយអ្នកទាំងអស់គ្នានឹងឃើញបញ្ជីឧបករណ៍ទាំងនោះ ដូចជានៅលើ iPhone ឬ iPad ដែរ។ សម្រាប់ទូរស័ព្ទសូមចូលទៅមុខងារ Setting បន្ទាប់មក Search ពាក្យ Apple ID នោះវានឹងបង្ហាញពី Device Info នៅខាងក្រោមជាមួយនឹង Model ទូរស័ព្ទដែលបាន Login ជាមួយ Apple ID របស់អ្នក។ ចុងក្រោយអ្នកក៏អាចទទួលបានព័ត៌មាននេះតាមរយៈគេហទំព័ររបស់ក្រុមហ៊ុន Apple ដោយចូលទៅកាន់ទំព័រគណនី Apple ID របស់អ្នក បន្ទាប់មកចុចលើ “ឧបករណ៍” នៅក្នុងម៉ឺនុយខាងឆ្វេង។ ខាងក្រោមលើជារូបតំណាង និងរបៀបឆែក។
គូសបញ្ជាក់ផងដែរថា ប្រសិនបើអ្នកទាំងអស់គ្នាឃើញមាន Device ណាដែលប្លែកមិនដែលស្គាល់នៅជាប់ Apple ID របស់អ្នកទាំងអស់គ្នា ប្រញាប់ Log out Device ដែលមិនស្គាល់នោះចេញជាបន្ទាន់។
អត្ថបទដោយ៖ ងួន ឃុនណា
