សម័យបច្ចុប្បន្ននេះបច្ចេកវិទ្យាកាន់តែរីចម្រើន រឿងអ្វីក៏អាចកើតឡើងបានដែរជាក់ស្តែងដូចជាឧបករណ៍តាមដានទីតាំងជាដើម ពេលខ្លះវាមានទំហំកាន់តែតូចទៅៗដែលជាហេតុធ្វើឲ្យពិបាកក្នុងការមើលឃើញ ដូច្នេះប្រសិនបើមាននរណាម្នាក់លួចដាក់នៅជាប់សម្ភារៈរបស់យើង ដូចជានៅលើកាបូបយួរ កាបូបស្ពាយ ជាដើមនោះគេនឹងអាចធ្វើការតាមដានដឹងទីតាំងរបស់តែម្តង។
យ៉ាងណាមិញយើងក៏គួរតែចេះក៏ដូចជាដឹងពីរបៀបខ្លះក្នុងការការពារខ្លួនដែរ ដោយនៅក្នុងទូរស័ព្ទ Android គឺមានមុខងារដែលយើងអាចធ្វើការស្កេនដឹងថាតើមានឧបករណ៍តាមដានជាប់ខ្លួនយើងឬអត់។ សម្រាប់មុខងារខ្ញុំនឹងយកមកបង្ហាញនេះគឺមាននៅក្នុងប្រភេទទូរស័ព្ទ Samsung ហើយខាងក្រោមនេះគឺជារបៀបប្រើប្រាស់។
របៀបប្រើ
- ចូលទៅកាន់ Setting
- បន្ទាប់មកទៀតចូលទៅកាន់មុខងារ Safe & Emergency
- រួចហើយចូលទៅកាន់មុខងារ Unknown Tracker
- បន្ទាប់មកធ្វើការបើកមុខងារនេះជាការស្រេច
សម្រាប់មុខងារ Unknown Tracker នេះពេលដែលបើករួចវានឹងធ្វើការស្កេននៅរាល់ពេលដែលមានឧបករណ៍តាមដានទីតាំងណាមួយដែលនៅជាប់ខ្លួនរបស់យើង ឬក៏អាចចុច Manual Scan ក៏បានដែរដើម្បីឲ្យកាន់តែប្រាកដ ពេលដែលវាស្កេនរកឃើញវានឹងផ្តល់ដំណឹងមកយើងភ្លាមតែម្តង។
អត្ថបទដោយ៖ រិន មករា
