ក្រុមហ៊ុន Amazon គ្រោងវិនិយោគជិត ៦០០លាន$ លើសេវាអ៊ីនធើណិតតាមផ្កាយរណប នៅប្រទេសក្បែរខាងកម្ពុជា១នេះ
SOKLY - កូនផ្កាឈូក
AUGUST 28 2025
ឌីជីថល
770 views
1 min read

Amazon ដែលជាក្រុមហ៊ុនដ៏ធំមួយរបស់អាមេរិក បានប្រកាសថា គ្រោងបោះទុនវិនិយោគ នៅប្រទេសវៀតណាម ដើម្បីអភិវឌ្ឍន៍ និងដំណើរការផ្កាយរណបក្នុងគម្រោង Project Kuiper សម្រាប់ផ្តល់សេវាអ៊ីនធើណិតល្បឿនលឿន។ នេះបើយោងតាមការចុះផ្សាយរបស់ភ្នាក់ងារព័ត៌មាន Reuters

ប្រភពដដែលបានឱ្យដឹងថា ក្រុមហ៊ុនបច្ចេកវិទ្យាយក្សដែលមានមូលដ្ឋាននៅសហរដ្ឋអាមេរិកបានសន្យាថានឹងវិនិយោគ ៥៧០លានដុល្លារ នៅឆ្នាំ២០៣០។ ពេលនេះ Amazon បានបង្កើតក្រុមហ៊ុន Amazon Kuiper Vietnam Co.,Ltd. នៅក្រុងហូជីមិញ និងកំពុងដាក់ពាក្យស្នើសុំអាជ្ញាប័ណ្ណសាកល្បង (Pilot License) រយៈពេល ៥ឆ្នាំ។

យ៉ាងណាមិញ បើយោងតាមការចុះផ្សាយរបស់ VN Express បានឱ្យដឹងថា គោលបំណងនៃការចាយទុនវិនិយោគនេះ គឺដើម្បីបង្កើត Ground Stations ចំនួន៦ និងរោងចក្រផលិតឧបករណ៍ទទួលសញ្ញា (Terminal) នៅខេត្ត Bac Ninh

គួរជម្រាបផងដែរថា ការវិនិយោគខ្នាតធំមួយនេះនឹងផ្ដល់អត្ថប្រយោជន៍ដល់ប្រទេសសវៀតណាមជាច្រើនដូចជា អ៊ីនធើណិតល្បៀនដល់ 400Mbps សម្រាប់គ្រួសារ និង 1Gbps សម្រាប់អាជីវកម្ម, Latency ទាប និងមានប្រព័ន្ធសន្តិសុខតាម Amazon Web Services (AWS) ព្រមទាំងជួយពង្រីកការតភ្ជាប់អ៊ីនធើណិតទៅតំបន់ជនបទ កោះ ឆ្នេរ និងតំបន់ដាច់ស្រយាល ដែលការតភ្ជាប់នៅមានកម្រិត៕

បន្តអានអត្ថបទបន្ទាប់
ស្វែងយល់អំពីពួកយើង
ទំនាក់ទំនង​មក​ពួក​យើង
© 2025 Baksey Media. All Rights Reserved.
Developed by: Technology Cambodia