ទូកនេះ ត្រូវបានគេដាក់ឈ្មោះថា ​BBQ Donut boat​​ ដោយសារតែវាមានរាងមូលដូចនំដូណាត់ ទើបគេដាក់ឈ្មោះបែបនេះ ​ ។ BBQ Donut boat ត្រូវបានផលិតនៅឯស្រុកចិន និងបានដាក់លក់ក្នុងគេហទំព័រលក់អីវ៉ាន់អនឡាញរបស់ Alibaba​​  ក្នុងតម្លៃ ​២៦៩០​ដុល្លារ សម្រាប់​១ គ្រឿង ប៉ុន្តែបើយើងកម្មង់ចាប់ពី​ ១០០គ្រឿងឡើងទៅ តម្លៃនៅសល់តែ​ ៩៩៩​ដុល្លារតែប៉ុណ្ណោះ ក្នុង ១​គ្រឿង​​ ។ 

 តួយ៉ាង ចំពោះទូក​​ដូណាត់​នេះ នៅកែមខាងៗ​ ដងឆ័ត្រ​ ព្រមទាំងបាតទូក​​ និងកាំជណ្ដើរ​ ត្រូវបានស្រោមដោយដែកអ៊ីណុកសុទ្ធ ដើម្បីការពារ​ការសឹងរេចរិល​​ និងជ្រេះចាប់ ។ នៅចំកណ្ដាល់នៃទូកយើងឃើញនៅកូនចង្ក្រានដែលមានប្រឡោះចំកណ្ដាល​ គឹជាកន្លែងសម្រាប់អាំងសាច់ BBQ ។

ម្យ៉ាងវិញទៀត ​ទូកនេះមានទំហំធំទូលា​យតែអាចផ្ទុកមនុស្សបាន ៦ ទៅ ៨ នាក់អាស្រ័យទំហំទូក​​ ​ដែលមានអង្កត់ទ្រូង​​​​​ ២.៨ ម៉ែត្រ​​​​ សម្រាប់ខ្នាតតូច ​ប៉ុន្តែសម្រាប់ខ្នាតធំមានអង្កត់ទ្រូង ៣.២​ ម៉ែត្រ​​​ឯណោះ ។ បន្ថែមលើពីនេះគ្រប់ទូកទាំងអស់ត្រូវបានបំពាក់មកជាមួយនឹងម៉ូទ័រអគ្គិសនី ​១​គ្រឿង ដែលមានកម្លាំង ១១៥៦​វ៉ាត់ និងមានកម្លាំងថ្មផ្ទុក​ ១២វ៉ុក​ ៦​០អំពែម៉ោង ។

មិនត្រឹមតែប៉ុណ្ណោះ ម៉ូទ័រប្រើអគ្គិសនីនេះអាចបង្កើតល្បឿនបានពី ៦ ទៅ ១២ គ.ម /១ម៉ោង តែប៉ុណ្ណោះ ប៉ុន្តែភាគច្រើនគេយកទូកធ្វើដូចអញ្ចុះបណ្ដែតទឹក​ ឬក៏រមណីដ្ឋានលើទឹក ដូច្នេះគេមិនសូវប្រើម៉ូទ័រនេះប៉ុន្មានទេ ៕

អត្ថបទដោយ ៖ ព្រឹមភក្តី​