រូបភាពស្អាតៗជាច្រើនដែលយើងធ្លាប់ឃើញ មួយចំនួនស្ថិតក្រោមកម្មសិទ្ធិបញ្ញារបស់ម្ចាស់រូប ឯរូបខ្លះទៀតគេដាក់ឲ្យទាញយកដោយសេរី ដើម្បីប្រើការលើការងារផ្សេងៗ។ ថ្ងៃនេះដែរចាបខៀវសូមណែនាំវេបសាយចំនួន៤ អនុញ្ញាតឲ្យទាញយករូបភាពស្អាតៗ ដោយសេរី ឬចង់ចូលទៅទិញរូបភាពក្នុងនោះក៏បាន៖
១. Unsplash: នេះគឺជាវេបសាយមួយ ដែលមនុស្សជុំវិញពិភពលោក និយមចូលទាញយករូបភាពដោយសេរី។ លោកអ្នកអាចស្វែងរករូបភាពស្អាតៗបានជាច្រើនម៉ឺនរូប ក្នុងវេបសាយមួយនេះមិនជារូបទេសភាពបែបស្រុកស្រែ ទីក្រុង ឬរូបអ្វីនោះទេ។
២. Pixabay: វេបសាយមួយនេះ អនុញ្ញាតឱ្យមនុស្សគ្រប់គ្នាចូលទៅទាញយករូបភាពស្រស់ស្អាតៗ គ្រប់ប្រភេទ ប៉ុន្តែក៏មានរូបខ្លះដែលគេដាក់លក់ផងដែរ។ សម្រាប់រូបភាពទាំងអស់នៅលើវេបសាយនេះ យើងអាចយកមកប្រើប្រាស់ជំនួយដល់ការឌីហ្សាញរបស់យើងកាន់តែប្រសើរមួយកម្រិតទៀត។
៣. Lifeofpix: មិនខុសអ្វីពីវេបសាយខាងលើទេ នៅក្នុងវេបសាយនេះយើងអាចចូលទៅទាញយករូបភាពស្អាតបានដោយសេរី នឹងពុំចាំចាប់បង់លុយទិញឡើង។ មួយវិញទៀតវេបសាយនេះ ក៏មានផ្ទុកនូវស្នាដៃរបស់អ្នកជំនាញថតរូបល្បីៗជាច្រើន ថែមទាញអនុញ្ញាតឱ្យយើងចូលមើលរូបភាពទាំងនោះ ដើម្បីធ្វើជាគម្រូទៀតផង។
៤. Gratisography: នេះជាវេបសាយដែលគេនិយមចូលប្រើ ដូចទៅនឹងវេបសាយ២ខាងលើដែរ ដោយយើងអាចស្វែងរករូបភាពភ្លឺច្បាស់ត្រជាក់ភ្នែក និងអាចទាញយកទៅប្រើបានដោយឥតគិតថ្លៃ។
