ថ្មីៗនេះ បែកធ្លាយព័ត៌មានចេញពីប្រទេសថៃកំពុងតែល្បីមួយ អំពីរឿងតម្លៃរបស់ Toyota Yaris Ativ សេរីឆ្នាំ២០២២ ប្រភេទCrossover មាន 5កៅអី ៣កម្រិត រួមមាន Entry , Sport និង Sport Premuim ព្រមទាំងមានតម្លៃចាប់ពីជាង 15000ដុល្លារតែប៉ុណ្ណោះ។
បើយោងតាមការចេញផ្សាយរបស់paultan.org បានឲ្យដឹងថា សម្រាប់នៅប្រទេសថៃ ខាងក្រុមហ៊ុនToyota បានបំពាក់គ្រឿងឲ្យ Toyota Yaris Ativ ជាមួយនឹងម៉ាស៊ីន VVT-iE ( Variable Valve Timing with intelligence) ចំណុះ 1.2 លីត្រ 4 ស៊ីឡាំង (Inline) ដែលអាចបង្កើតកម្លាំងសេះ 90hp និងមានកម្លាំងរមូរ 109Nm អមជាមួយនឹងប្រអប់លេខ Super CVT-i កាន់តែអ៊ែមថែមមួយកម្រិតទៀត ។
ចំណែកឯកម្រិតស៊ីសាំងលើកម្លាំងម៉ាស៊ីនលក្ខណ:កញ្ចប់3NR-FE របស់Toyota Yaris Ativ ចាប់ពីសេរី២០១៩ ដល់២០២២ ជាមធម្យមអាចស៊ីសាំង 23.25km ក្នុង ១លីត្រតែប៉ុណ្ណោះ ។
គូសបញ្ជាក់ផងដែរ Toyota Yaris Ativ មានតម្លៃចាប់ 15264 ដុល្លារ ឡើងដល់ 19229ដុល្លារ នេះបើយោងតាមគេហទំព័រលក់ឡានរបស់ Zigwheels ៕
អត្ថបទដោយ៖ ព្រឹម ភក្តី
