ទីបំផុត Samsung បញ្ចេញស្មាតហ្វូនកម្រិតថវិការ Galaxy M53 5G ឱ្យមានមុខលើទីផ្សាហើយ ជាមួយនឹងរូបរាងស្តើងគួរឱ្យទាក់ទាញ ម្យ៉ាងទៀតបានបំពាក់មកជាមួយនឹងកាមេរ៉ា 108MP ដោយគ្រឿងមួយចំនួនគឺយកចេញពី Galaxy A73 5G ។
បើយោងទៅតាម GSMARENA បានបង្ហាញថា Galaxy M53 5G មួយនេះមានអេក្រង់ទំហំ 6.7អ៊ីញ Super AMOLED រួមជាមួយនឹង Refresh Rate រហូតដល់ 120Hz ។ លើសពីនេះទៅទៀតកូនកាត់ Galaxy A73 មួយនេះ គឺបានបំពាក់មកជាមួយនឹងឈីប MediaTek MT6877 Dimensity 900 5G ។
យ៉ាងណាមិញ សម្រាប់ស្មាតហ្វូនមួយនេះមាន Memory និង Storage តែមួយជម្រើសប៉ុណ្ណោះគឺ 6/128GB ដោយគ្មានកន្លែងសម្រាប់បន្ថែមទៀតនោះទេ ដែលវាអាចជាការពិបាកសម្រាប់អ្នកប្រើប្រាស់ម្យ៉ាងដែរ។
បើងាកទៅមើលកាមេរ៉ាវិញឃើញថា ចំពោះលែនទំហំ 108MP គឺមាន f/1.8 , លែនទំហំ 8MP មាន f/2.2 សម្រាប់ថតប្លង់ទូលា Ultrawide, និងលែន 2 ទៀតគឺមានទំហំ 2MP និង f/2.4 ដូចគ្មា អាចថតបានប្រភេទ dept និង macro។ ម្យ៉ាងទៀតវាអាចថតវីដេអូបានរហូតដល់ 4K 30fps ។ ដោយឡែកសម្រាប់កាមេរ៉ាវិញមានទំហំ 32MP ។
សម្រាប់ថ្មវិញក៏មិនអន់ដែរ ដោយ Galaxy M53 5G មួយនេះមានថ្មទំហំ 5000 mAh រួមជាមួយនឹងកម្រិតសាកថ្មល្បឿនលឿន 25W ផងដែរ។
អត្ថបទដោយ៖ រិន មករា
