បច្ចុប្បន្ននេះ QRCode ត្រូវបានប្រើប្រាស់ជាទូទៅសម្រាប់ការស្កេនចូលទៅកាន់តំណរភ្ជាប់ផ្សេងៗ ដូចជាមើលមីនុយមុខម្ហូប ស្កេនគិតលុយ ស្កេនចូលទៅក្នុងបណ្ដាញសង្គម និងការងារផ្សេងៗជាច្រើនទៀត។ មនុស្សជាច្រើនចាប់ផ្ដើមយល់ដឹង និងជ្រើសយក QRCode សម្រាប់អាជីវកម្មរបស់ពួកគេកាន់តែងាយស្រួល។
ប៉ុន្តែក៏មានមនុស្សមួយចំនួនគិតថា បើចង់បាន QRCode នេះគឺត្រូវទៅរកអ្នកជំនាញ ឬត្រូវសរសេរកូនស្មុគស្មាញច្រើនទើបធ្វើបាន ប៉ុន្តែការគិតបែបនេះ គឺផ្ទុយស្រឡះ ព្រោះគេអាចបង្កើត QRCode នេះបានដោយខ្លួនឯងប្រើពេលត្រឹម១នាទីប៉ុណ្ណោះ។ អ្វីដែលអ្នកត្រូវធ្វើដំបូងចូលទៅកាន់វេបសាយ the-qrcode-generator.com រួចយើងនឹងឃើញរូបភាព QRCode ជាមួយនឹងប្រអប់ Enter URL។
ងាយៗទេប្រសិនបើលោកអ្នកចង់ឱ្យគេស្កេនចូលទៅកាន់កន្លែងណាមួយដូចជា គណនី Facebook, Instagram, TikTok, YouTube, រូបភាព ឬ File ឯកសារផ្សេងៗ សូមបញ្ចូល Link ទាំងនោះទៅក្នុងប្រអប់ Enter URL ដើម្បីបង្កើត QRCode។
ពេញបញ្ចូល Link រួចយើងនឹងទទួលបាន QRCode មួយជារបស់ខ្លួន សម្រាប់ប្រើប្រាស់ក្នុងកិច្ចការផ្សេងៗ។ មិនទាន់ចប់ទេ ដើម្បីទទួលបានរូបភាព QRCode នេះ យើងត្រូវទាញយក តាមរយៈប៊ូតុង Dowload ដូចនៅក្នុងរូបភាពខាងក្រោមនេះ៖
អត្ថបទដោយ៖ ផែន ផាន់ណា