បើតាមការបញ្ជាក់ប្រាប់ក្រុមការងារចាបខៀវ កាលពីពេលថ្មីៗនេះ កញ្ញាឆម ស្រីផាច បានឱ្យដឹងថា សម្រាប់ការធ្វើវីដេអូរៀងរាល់ថ្ងៃនេះ គឺមិនបានឆ្លងកាត់កុំព្យូទ័រសូម្បីតែបន្តិច ពោលគឺបច្ចេកទេសកាត់ត តាមរយ:កម្មវិធីនៅលើទូរស័ព្ទដៃ (iPhone) សុទ្ធសាធ។ កញ្ញាបានបន្តដោយសំឡេងរដឺនៗថា “សម្រាប់វីដេអូតាំងពីដើម រហូតដល់បច្ចុប្បន្ននេះ គឺខ្ញុំបញ្ចូលសំឡេងក្នុងទូរស័ព្ទ កាត់តបញ្ចូលគ្នាក៏ក្នុងទូរស័ព្ទដែរ មិនដែលឆ្លងកាត់ការកាត់តាមកុំព្យូទ័រនោះទេ។” 

គូសបញ្ជាក់ថាកញ្ញាបានចាប់ផ្ដើមវីដេអូដំបូងតាមរយ:ការថត តាមទូរស័ព្ទដៃមួយគ្រឿងប៉ុណ្ណោះ ដោយមិនចាំទាល់តែចេះបច្ចេកទេសកាត់តតាមកុំព្យូទ័រ ទើបធ្វើនោះទេ។ មកទល់ពេលនេះ ផេករបស់កញ្ញាបានកើនឡើង Follwer រហូតទៅដល់ ១.៧M នឹងអ្នកទស្សនារាប់លាននាក់។ សរុបមកនៅក្នុងវីដេអូនេះ យើងចង់រំលឹកបងប្អូនដែលចង់ចាប់ផ្ដើមក៏សាងប្រាក់ចំណូលនៅលើអ៊ីនធើណេត សូមកុំរង់ចាំតែមានកុំព្យូទ័រល្អៗ ឬចាំកាត់តទើបចាប់ផ្ដើមធ្វើ ព្រោះកញ្ញាឆម ស្រីឆាច មានថ្ងៃនេះ គឺចាប់ផ្ដើមពីទូរស័ព្ទមួយគ្រឿងប៉ុណ្ណោះ។