កាលពីយប់ថ្ងៃទី ៥ ខែមីនាកន្លងទៅនេះ មានការស្លោស្លន់សឹងមួយពិភពលោកដោយហេតុថាមិនអាចចូលគណនីរបស់ខ្លួនបាន ហើយខ្លះទៀតបារម្ភថាមានការជ្រៀតជ្រែកយកទិន្នន័យរបស់ខ្លួនជាដើម។ យ៉ាងណា ពីសំណាក់អ្នកនាំពាក្យក្រុមហ៊ុន Meta លោក Andy Stone បានឱ្យដឹងថា ការណ៍នេះមកអំពី បញ្ហាបច្ចេកទេសដោយលោកបានសរសេរបង្ហោះលើគណនីបណ្ដាញសង្គម Twitter របស់ខ្លួន។
ជាមួយគ្នានេះដែរ ក្រៅតែពីការឌឺដងពីសំណាក់លោក Elon Musk ដែលជាម្ចាស់ផ្លេតហ្វមបណ្ដាញសង្គម X យើងស្គាល់ពីមុនថាជា Twitter លោក Pavel Durov នាយកប្រតិបត្តិក្រុមហ៊ុន Telegram ក៏បានបញ្ចេញពីមតិយោបល់របស់ខ្លួនចំពោះរលកនៃការគាំងផ្លេតហ្វម Meta បើកមិនចេញនេះផងដែរ។
ជាកិច្ចបើកទំព័រនៃការបង្ហោះរបស់គាត់នៅលើ Telegram ដំបូង គាត់ធ្វើការអួតថាក្នុងរយៈកាលប៉ុន្មានម៉ោងដែល Instagram និង Facebook គាំងបើកមិនចេញនេះ មានមនុស្សជាច្រើនលាននាក់បានសម្រុកចុះឈ្មោះ បង្កើត និង ចែករំលីកមាតិការ នៅលើ Telegram។
អួតមិនអស់ចិត្ត នៅឆ្លៀតលើកផ្លេតហ្វមខ្លួនទៀតថា គួរឱ្យទុកចិត្តជាងសេវាកម្ម (ទំនងថាឱ្យ Meta) ខណៈដែលគាត់ចាយលុយទៅលើការអភិវឌ្ឍហេដ្ឋារចនាសម្ព័ន្ធបច្ចេកវិទ្យាសម្រាប់អ្នកប្រើប្រាស់ម្នាក់ៗតិចជាង ៣ ៤ ដងឯណោះ។
ជាងនេះទៅទៀត លោក Durov ថាក្រុមហ៊ុនគាត់ធ្វើការមានប្រសិទ្ធភាពខ្ពស់ជាង Meta ដោយគាត់ប្រើប្រាស់ បុគ្គលិកតិចជាង Meta ១ពាន់ដង តែអាចបញ្ចេញមុខងារថ្មីប្រកបដោយនវានុវត្តលឿនជាង Meta។
ជាចុងក្រោយ ផ្សារភ្ជាប់ជាមួយរឿងគាំងបើកមិនចេញ លោក Durov លើកឡើងថានៅឆ្នាំ ២០២៣ Telegram បើកមិនចេញសោះតែម្ដងសរុបពេលទៅត្រឹមតែ ៩នាទីប៉ុណ្ណោះ។
សារដើម៖
