ថ្មីៗនេះក្រសួងសាធារណការ និងដឹងជញ្ជូន បានបន្ថែមស្ថានីយ៍សាករថយន្តថ្មីចំនួន៣បន្ថែមទៀត ដំណើរការដោយប្រើថាមពលសូឡា ដែលមានដៃសាកចំនួន៦ និងអាចសាករថយន្តអគ្គិសនីបានគ្រប់ប្រភេទ ស្ថិតនៅក្នុងមន្ទីរសាធារណការ និងដឹកជញ្ជូន។ នេះបើយោងតាមការចុះផ្សាយរបស់ក្រសួងសាធារណការ និងដឹកជញ្ជូន កាលពីថ្ងៃទី០៣ ខែធ្នូ ឆ្នាំ២០២២ កន្លងទៅ។
ប្រភទដដែលបានបានឱ្យដឹងថា ប្រជាពលរដ្ឋអាចចូលប្រើប្រាស់ម៉ាស៊ីនបញ្ចូលថាមពលយានយន្តអគ្គិសនីចំនួន ៣បន្ថែមទៀត ក្នុងទីស្ដីការក្រសួងសាធារណការ និងដឹកជញ្ជូនជាផ្លូវការបានហើយ។ ស្ថានីយបញ្ចូលថាមពលយានយន្តអគ្គិសនី (EV Charging Station) ថ្មីនេះមានទីតាំងស្ថិតនៅក្នុងទីស្តីការក្រសួងសាធារណការ និងដឹកជញ្ជូន ជាស្ថានីយ ដែលប្រក់ដោយដំបូលសូឡាប្រើប្រាស់ថាមពលពន្លឺព្រះអាទិត្យ។ ស្ថានីយនេះ មានម៉ាស៊ីនបញ្ចូលថាមពលអគ្គិសនីចំនួន០៣ (មានដៃបញ្ចូលថាមពលអគ្គិសនីចំនួន០៦) ហើយអាចសាកបានចំពោះរថយន្តអគ្គិសនីគ្រប់ប្រភេទ។
អាស្រ័យហេតុខាងលើ សម្រាប់បងប្អូនដែលមានឡានអគ្គិសនី និងចង់សាកថ្មដើម្បីធ្វើដំណើរ អាចចូលទៅក្នុងមន្ទីសាធារណការ និងដឹកជញ្ជូន ដើម្បីសាកបាន៕
អត្ថបទដោយ៖ ផែន ផាន់ណា
