កាលពីថ្មីៗនេះ Mercedes-Benz បានប្រកាសថ្ងៃចេញលក់ រថយន្តប្រភេទ Crossover សេរីថ្មី ២០២៣ ហើយនេះជា Mercedes-Benz GLC ដែលត្រូវដាក់លក់នៅដើមខែមិថុនាខាងមុននេះ ។
ចំពោះម៉ូដែលថ្មី GLC មួយនេះ ត្រូវបានបំផុសគំនិតចេញការរចនារបស់រថយន្តប្រភេទ SUV ដែលទើបតែចេញមកថ្មីដូចគ្នាគឺ C-Class ប៉ុន្តែម៉ូដែលនេះមិនទាន់ចេញលក់នៅឡើយទេ ។ តួយ៉ាង ក្រុមហ៊ុន Mercedes-Benz បានបង្ហើបមកថា ចំពោះការបង្ហាញខ្លួននៅថ្ងៃខាងមុខនៃ GLC បានភ្ជាប់ម៉ូទ័រអគ្គិសនីមកជាមួយនឹងម៉ាស៊ីនចំហេះក្នុងផងដែរ ពោលគឺជារថយន្តពាក់កណ្ដាលអគ្គិសនី ដែលយើងតែងតែហៅថា Plug-in Hybrid ( PHEV) ។
ម្យ៉ាងវិញទៀតខាងក្រុមហ៊ុន Mercedes-Benz ក៏បានបន្តទៀតថា ចំពោះ GLC បានបំពាក់ជាមួយ 4Matic all-wheel-drive system ដែលជាបច្ចេកវិទ្យាចុងក្រោយរបស់ Mercedes-Benz ផងដែរ ។ លើសពីនេះ ចំណុចគួរឲ្យចាប់អារម្មណ៍នោះគឺនៅលើ ម៉ូទ័រអគ្គិសនីដែលបានភ្ជាប់មកជាមួយនឹងជម្រើស Plug-in Hybrid ដោយអាគុយរបស់វានៅពេលដែលសាកថាមពលពេញ អាចរត់ជាង ១០០ គីឡូម៉ែត្រ ឯណោះដូច្នេះគ្មានចំណាយលើសាំងសូម្បីមួយតំណក់ឡើយ ។ មួយវិញទៀតចំពោះល្បឿនអតិបរមាខ្ពស់បំផុតរបស់ GLC គឺអាចជាន់កប់បានរហូតដល់ ២៣៨ គីឡូម៉ែត្រក្នុងមួយម៉ោងឯណោះ ៕
អត្ថបទ៖ ព្រឹម ភក្ដី
