កាលពីយប់ថ្ងៃទី១៨ ខែ ឧសភា ឆ្នាំ ២០២៣ កន្លងទៅនេះ មេធំ Meta លោក Mark Zuckerberg បានធ្វើការបង្ហោះរូបមួយសន្លឹកព្រាលផ្ទៃក្រោយ ដោយរំលេចច្បាស់នូវដៃរបស់លោកកំពុងកាន់របស់ម្យ៉ាងទំហំប៉ិនមេដៃ ដើម្បីបង្ហាញអំពីការធ្វើបច្ចុប្បន្នភាពនៅក្រុមហ៊ុន Meta។
ជាមួយនឹង Caption អមនឹងរូបភាពខាងលើ លោកបានរំលេចបច្ចុប្បន្នភាពសំខាន់របស់ Meta ទៅលើ ការខាបយកថាមពលនៃយុគសម័យ AI ចំនួន ៣ ចំណុចធំៗ ដូចជា Data Center ថ្មី បច្ចុប្បន្នភាពលើការស្រាវជ្រាវ Supercomputer ថ្មី និង ឈីបថ្មីជាដើម។
ក្នុងចំណុចទី ៣ នេះលោកបានបញ្ជាក់អំពី ឈីបជំនាន់ទី១ ដែល Meta បង្កើតឡើងដោយខ្លួនឯងផ្ទាល់ ហើយឈីបនេះនឹងត្រូវបានយកទៅប្រើប្រាស់ក្នុងប្រព័ន្ធណែរនាំមាតិការ AI Recommendation systems ដើម្បីរើសមាតិកាឱ្យអ្នកប្រើហ្វេសប៊ុកដែលចូលចិត្តចាប់អារម្មណ៍មិនចេះធុញ។
ពាក្យថា គិតរកមាតិការល្អបំផុតបង្ហាញទៅអ្នកមើលឱ្យកាន់តែលឿននេះ នឹងជួយឱ្យអ្នកប្រើប្រាស់ផ្លេតហ្វម Meta ដូចជា Facebook Instagram និង WhatsApp ជាដើម ចំណាយពេលលើផ្លេតហ្វមខ្លួនកាន់តែយូរជាងមុន ប្រើកាន់តែច្រើនជាងមុន៕
