មន្ទីរពេទ្យមិត្តភាពខ្មែរ-សូវៀត ដែលមានទីតាំងក្នុងរាជធានីភ្នំពេញ បាននាំចូលនូវម៉ាស៊ីនពិនិត្យព្យាបាលពិសេសមួយ ឈ្មោះ MRI (Magnetic resonance imaging) ដែលជាម៉ាស៊ីនទំនើប និងមានតម្លៃកន្លះលានដុល្លារ ខណ:ឧបករណ៍នេះ នឹងចូលខ្លួនមកជួយព្យាបាលអ្នកជំងឺនៅកម្ពុជា ឱ្យកាន់តែប្រសើរថែមមួយកម្រិតទៀត។
បើយោងតាមផេកផ្លូវការរបស់ មន្ទីរពេទ្យមិត្តភាពខ្មែរ-សូវៀត បានឱ្យដឹងថា “នៅព្រឹកថ្ងៃព្រហស្បតិ៍ ទី ១៧ ខែសីហា ឆ្នាំ២០២៣ មន្ទីរពេទ្យមិត្តភាពខ្មែរសូវៀតបានរៀបចំពិធីសម្ពោធដាក់ឲ្យដំណើរការម៉ាស៊ីនMRI នៅផ្នែករូបភាពវេជ្ជសាស្រ្ត ក្រោមអធិបតីភាពដ៏ខ្ពង់ខ្ពស់របស់ឯកឧត្តមសាស្រ្តាចារ្យ ស៊ា ហួង រដ្ឋលេខាធិការក្រសួងសុខាភិបាល និងជាប្រធានក្រុមប្រឹក្សាភិបាលមន្ទីរពេទ្យមិត្តភាពខ្មែរ-សូវៀត និងមានការចូលរួមពីសំណាក់នាយករងមន្ទីរពេទ្យ ប្រធាន អនុប្រធានការិយាល័យទាំងបី និងនាយផ្នែកគ្រប់ផ្នែកទាំងអស់។”