បន្ទាប់ពីបោះទុនរាប់ពានលានដុល្លាររួចមកឥឡូវ ក្រុមហ៊ុនដែលបានសហការគ្នាជាមួយនឹងHonda នៅប្រទេសចិនសម្រេចបានរថយន្តអគ្គិសនី ២ ម៉ូដែលថែមទៀត ដែលមានសមត្ថភាពខ្លាំង អាចបើកបរក្នុងចម្ងាយ ៥១០ គីឡូវមែត្រ គ្រាន់តែសាកថ្មតែម្តងគត់ ។
បើយោងតាមគេហទំព័រក្រៅស្រុកមួយបានឲ្យដឹងថា ក្រុមហ៊ុន GAC Honda ប្រចាំនៅប្រទេសចិនបានចុះកិច្ចសហការជាមួយរោងចក្រផលិតរថយន្តដ៏ធំរបស់ក្រុមហ៊ុន Dongfeng ក្នុងការផលិតរថយន្តអគ្គិសនី ។
កាលពីពេលថ្មីៗនេះ ពួកគេក៏សម្រេចបានជោគជ័យនៃ រថយន្តអគ្គិសនី ២ ម៉ូដែលទើបតែចេញមកថ្មីថ្មោង នោះគឺ e:NS1 និង e:NP1 ដោយបានប្រកាសចេញលក់នៅថ្ងៃទី ២៦ ខែមេសា ឆ្នាំ ២០២២ កន្លងទៅនេះ ដោយក្នុងតម្លៃចាប់ពី ២៦៧០០ ដុល្លារ ទៅ ៣៣២៣០ ដុល្លារ ។
យោងតាមប្រភពដដែលបាននិយាយទៀតថា ចំពោះរថយន្តអគ្គិសនិ ២ ម៉ូដែលនេះត្រូវបានក្រុមបំពាក់នូវកម្លាំងម៉ាស៊ីនស្រដៀងគ្នានោះទេ ពោលគឺវាស្ថិតនៅក្នុងគ្រួសារស៊េរី N តែមួយ ដោយបានដាក់បញ្ចូលកម្លាំងម៉ូទ័រមាននៅ ផ្នែកខាងមុខ 150W និងកម្លាំងបង្វិលជុំ 310Nm ព្រមទាំងភ្ជាប់មកជាមួយនឹងថ្មលីចូម-អ៊ីយ៉ុង Ternary ចំនួន 68.8 Kwh ដែលអាចធ្វើឲ្យរថយន្តរត់លើផ្លូវរាបស្មើក្នុងចម្ងាយ 317 mile ឬ 510 Km ហើយក៏បានទទួលស្គាល់ពីអង្គរការត្រួតពិនិត្យគុណភាបយានយន្តរបស់ CLTC នៅប្រទេសចិនទៀតផង ។
ចំណែកផ្នែកខាងក្នុងវិញម្តងក្រុមហ៊ុន Honda បានសម្រេចចិត្តបំពាក់អេក្រង់ LCD ឲ្យធំបន្តិចងាយស្រួលមើលកុងទ័រដ៏ស្រស់ស្អាតទំហំ 10.25 inch និងអេក្រង់ចំកណ្ដាលទំហំ 15.1 inch រួមបញ្ចូលជាមួយនឹងប្រព័ន្ធ e:N OS ដែលអាចភ្ជាប់ជាមួយនឹង កាមេរ៉ាសុវត្ថិភាពត្រូតពិនិត្យអ្នកបើកបរ DMC ( Driver Monitoring Camera) ដែលមានសមត្ថភាពឆ្លាតវៃ វិភាគឃើញនូវទិដ្ឋភាពគ្រោះថ្នាក់ដែលអាចកើតមាន នៅពេលអ្នកបើកបរមិនមានការប្រុងប្រយ័ត្នអ្វីមួយ នោះឧបករណ៍នឹងបញ្ចូលទៅអេក្រង់ដើម្បីប្រកាសព័ត៌មានដែលវាបានឃើញ ។
គូសបញ្ជាក់ផងដែរ ថារថយន្តអគ្គីសនីទាំង២ ម៉ូដែលនេះកំពុងតែដាក់លក់បច្ចុប្បន្នតែប្រទេសចិនតែប៉ុណ្ណោះ ប៉ុន្តែនៅថ្ងៃខាងមុខ ក្រុមហ៊ុននឹងធ្វើការពង្រីកខ្សែសង្វាក់ឲ្យកាន់តែច្រើនដើម្បីវាយលុបទីផ្សារនៅអឺរ៉ុប ក៏ដូចជាទីផ្សារនៅអាស៊ីផងដែរ ៕
