ដូចដែលអ្នកបានដឹងហើយថាថ្មីៗនេះក្រុមហ៊ុន Honor បានធ្វើការបញ្ចេញស្មាតហ្វូនមូឌែលទំនើបមួយគឺ HONOR Magic4 Pro 5G ដែលវាមានសមត្ថភាពខ្លាំង មិនតែប៉ុណ្ណោះចំណុចដែលទាក់ចិត្តជាងគេនោះគឺទៅលើកាមេរ៉ាតែម្តង ហើយ HONOR ថាម៉ូឌែលមួយនេះអាច ZOOM បានដល់ទៅ100ដង ឃើញដល់ថានព្រះច័ន្ទទៀត។
សម្រាប់ HONOR Magic4 Pro 5G មួយនេះមានអេក្រង់ទំហំ 6.81អិញ ប្រភេទ LTPO OLED មាន Refresh Rate ដល់ទៅ 120Hz និងអាចបញ្ចេញពន្លឺបានខ្ពស់បំផុតរហូតដល់ 1000nits ឯណោះ។ វាប្រើប្រាស់ទៅដោយឈីប Snapdragon 8 Gen 1 (4nm) ជាមួយនឹងការក្រាលពីលើដោយ Magic UI 6 ផងដែរ។
ចំណុចពិសេសមួយទៀតរបស់ Magic4 Pro 5G នោះគឺ គេបានបំពាក់ទៅដោយកាមេរ៉ាចំនួន3គ្រាប់ដោយលែនគោលមានទំហំ50MP, f/1.8 លែន Ultra-Wide មានទំហំ 50MP, f/2.2 និងលែន Telephoto មានទំហំ 64MP, f/3.5 ហើយវាមានសមត្ថភាពអាច Zoom បានរហូតដល់ទៅ X100 ឯណោះ ហើយវាក៏អាចថតវីដេអូបានដល់ទៅ 4K 60fps ផងដែរ។ សម្រាប់ថ្មវិញវាមានទំហំ4600mAh អាចគាំទ្រទៅលើការសាកល្បឿនលឿនរហូតដល់ 100W។
គូសបញ្ជាក់ផងដែរថា បច្ចុប្បន្ននេះនៅខ្មែរយើងចាប់ផ្តើមមានលក់ហើយដោយតម្លៃវា 949ដុល្លារ។
អត្ថបទដោយ៖ រិន មករា
