សម្រាប់អ្នកដែលប្រើប្រាស់កុំព្យូទ័រយូរឆ្នាំ និងអ្នកដែលចូលចិត្តវាយឯកសារផ្សេងៗ ប្រាកដជាមិនងាយជួបបញ្ហា Typing យឺតនោះទេ។ ប៉ុន្តែសម្រាប់អ្នកដែលទើបនឹងចេះប្រើកុំព្យូទ័រ ច្បាស់ជាពិបាកក្នុងការ Typing ភាសាអង់គ្លេស និងភាសាខ្មែរជាដើម។ ដើម្បីជាជំនួសលើបញ្ហានេះ ចាបខៀវសូមណែនាំវេបសាយ២ ដែលយើងអាចចូលទៅលេងហ្គេមបែប Typing ទាំងខ្មែរ និងអង់គ្លេសបាន៖
នេះគឺជាវេបសាយរបស់ខ្មែរ ដែលយើងអាចចូលទៅ Typing ឬវាយអក្សរឲ្យបានត្រឹមត្រូវ តាមក្បួនខ្នាត ដូចជាការប្រើម្រាមដៃ ឬពន្លឿនរបៀបសរសេរជាដើម។ នៅលើវេបសាយនេះគឺផ្ដោតសំខាន់តែទៅលើការសរសេរជាភាសាខ្មែរប៉ុណ្ណោះ ពោលគឺវានឹងណែនាំឲ្យយើង វាយអក្សរឲ្យត្រូវតាមម្រាមដៃនីមួយៗទៅតាមទីតាំងអក្សរ។
នៅក្នុងវេបសាយនេះលោកអ្នកអាចចូលលេងហ្គេម Typing ជាច្រើនហ្គេម ដោយនៅតាមហ្គេមៗនីមួយៗ អាជួយពន្លឿនដៃរបស់បងប្អូន ឱ្យវាយពាក្យជាភាសាអង់គ្លេសនៅលើក្ដារចុចបានល្អប្រសើរជាងមុន។ អ្វីដែលពិសេសនោះ ក្នុងវេបសាយនេះក៏បានរៀបចំទៅតាមប្រភេទហ្គេមសម្រាប់មនុស្សចាស់ កុមារ ដាច់ពីគ្នាផងដែរ។ ដូច្នេះប្រសិនបើលោកអ្នកមានកូនតូច ក៏អាចឱ្យពួកគាត់រៀនតាមវេបសាយខាងលើបានដែរ។
