រឿងរ៉ាវបុរសចិនរូបនេះ បានលេចឮទៅដល់កំពូលមហាសេដ្ឋី Elon Musk ផ្ទាល់ នឹងបានធ្វើឱ្យលោកភ្ញាក់ផ្ដើលបន្ទាប់ពីបានឃើញព័ត៌មាននេះ។ យ៉ាងណាមិញ កាលពីថ្ងៃច័ន្ទទី ០៩ ខែឧសភា ឆ្នាំ២០២២ នេះ លោក Elon Musk បាននិយាយដែរថា “ខ្ញុំចង់ជួបមុខបុរសម្នាក់នេះ ប្រសិនបើគាត់មានពិត”។ លោកបានថ្លែងបែបនេះ ក្រោយពីមានអ្នកប្រើ Twitter ម្នាក់ បានបង្ហោះរូបភាពរួមគ្នារវាងលោក Elon Musk និង Ma Yilong កាលពីពេលកន្លងទៅ នេះបើយោងតាមការចុះផ្សាយរបស់ scmp។

មិនទុកយូរនាំតែផ្អូមទេ គ្រាន់តែទទួលបានដំណឹងថា Elon Musk ពិត ចង់ជួបមុខភ្លាម លោក Ma Yilong ឯណោះវិញ ក៏បានបង្ហោះវីដេអូខ្លីមួយ ដែលសម្លែងនូវកាយវិការអង្គុយផឹកភេសជ្ជៈកូកាកូឡាមួយដបក្រោមម្លប់ឈើ រួចបោះពាក្យមួយឃ្លាថា “ខ្ញុំនៅទីនេះ ហើយខ្ញុំក៏ចង់ជួបមុខ Elon ពិតដែរ” លោកគឺជាវីរៈបុរសរបស់ខ្ញុំ។

បច្ចុប្បន្ន TikTok របស់ Ma Yilong មានចំនួនអ្នក Follow រហូតដល់ជាង២សែននាក់ ហើយលោកតែងតែផុសវីដេអូជាប្រចាំ។ ហើយជាធម្មតាលោកតែងតែព្យាយាមនិយាយភាសាអង់គ្លេសដែរ ប៉ុន្តែមិនសូវបានល្អទេ គឺលោកចេះតឹងតែ Hello Everyone ដែលមានន័យថា សួស្ដីអ្នកទាំងអស់គ្នា។

គូសបញ្ជាក់ថា​ សារឆ្លើយឆ្លងរវាងកំពូលមហាសេដ្ឋី Elon Musk នេះ អាចជាការទាក់ទាញចាប់ចំណាប់អារម្មណ៍ ឬជាការធ្វើទីផ្សាររបស់លោកប៉ុណ្ណោះ ព្រោះកន្លងមក Elon តែងតែធ្វើរឿងរ៉ាវប្លែកៗមួយចំនួន ដើម្បីទាក់ទាញឱ្យគេចាប់ស្គាល់ពីផលិតផលរបស់លោកកាន់តែច្រើន ពីមួយឆ្នាំទៅមួយឆ្នាំ៕

អត្ថបទដោយ៖ ផែន ផាន់ណា