កម្មវិធី Facebook និង TikTok ត្រូវបានប្រជាជនខ្មែរប្រើប្រាស់រាប់លាននាក់ ដោយក្នុងនោះពីមួយឆ្នាំទៅមួយឆ្នាំ ចំនួនអ្នកប្រើផ្លេតហ្វមទាំងពីរ នៅតែបន្តកើនឡើងខ្លាំង។ បើផ្លេតហ្វមទាំងពីរនេះ ល្បីល្បាយក្នុងសង្គមខ្មែរដូច្នេះ តើកម្មវិធីនីមួយៗ មានប្រជាជនខ្មែរប៉ុន្មាននាក់ កំពុងប្រើ?
ចាប់ផ្ដើមដំបូងដោយកម្មវិធី Facebook បើយោងតាមទិន្នន័យពីគេហទំព័រ napoleoncat.com បានឱ្យដឹងថា គិតត្រឹមខែឧសភា ឆ្នាំ២០២៣ កន្លង ចំនួនអ្នកប្រើប្រាស់កម្មវិធី Facebook មានចំនួន 13 575 700 នាក់ ក្នុងប្រទេសកម្ពុជា ដែលស្មើនឹង 77.4% នៃប្រជាជនសរុប។ ក្នុងនោះដែរមាន 54.4% ហើយដេលជាបុរស និងក្រុមមនុស្សដែលប្រើធំបំផុតគឺមានអាយុចន្លោះពី 25-34 ឆ្នាំ។
ដោយឡែកចំពោះកម្មវិធី TikTok វិញ បើយោងតាមទិន្នន័យនៅលើគេហទំព័រ oosga.com បានឱ្យដឹងថា ចំនួនអ្នកប្រើកម្មវិថី TikTok នៅក្នុងប្រទេសកម្ពុជា គឺមានសរុបចំនួន ៧.៤លាននាក់ គិតត្រឹមខែមករា ឆ្នាំ២០២៣នេះ។ សម្រាប់ចំនួននាក់ប្រើនេះដែរ គឺមានចំនួននៃមនុស្សស្រី 53.5% និងមនុស្សប្រុសមានចំនួន 46.5%។
