បច្ចុប្បន្ននេះ ឡានអគ្គិសនីកំពុងតែល្បីផ្ទុះការគាំទ្រច្រើនមែនទែន ជុំវិញពិភពលោក ដោយសារតែពពួកឡានអគ្គិសនី សំចៃសន្សំថាមពលខ្លាំងលើការប្រើប្រាស់ជាពិសេសអ្នករស់នៅក្នុងទីក្រុង ដោយឡែកបងប្អូនមួយចំនួន ប្រហែលបានមើលរំលងនូវ រថយន្តទាំង ៣ម៉ូដែល ដែលកំពុងតែដាក់លក់នៅខ្មែរ ស៊ីសាំងតិច ហើយតម្លៃក៏ធូរថ្លៃទៀត។
ខាងក្រោមនេះ ជារថយន្តម៉ាស៊ីនសាំង ដែលតម្លៃសមរម្យ អាចឲ្យសមត្ថភាពប្រជាជនខ្មែរយើងទិញទៅប្រើប្រាស់បាន មួយវិញទៀត ជួយសន្សំសំចៃ ស៊ីសាំងតិចផងដែរ។
1. Kia Picato
Kia Picanto ជារថយន្តមួយដែលស្ថិតក្នុងចំណោមរថយន្តស៊ីសាំងតិច ដោយ Picanto អាចនឹងស៊ីសាំងខ្ទង់ ៤ ទៅ ៥លីត្រ ប៉ុណ្ណោះ សម្រាប់ចម្ងាយ ១០០គ.ម ដំបូង។ រថយន្តនេះជាប្រភេទ Hatchback ៤កៅអី លក្ខណ:គ្រួសារ តែម្តង សម្រាប់សំណុំម៉ាស៊ីនរថយន្តនេះវិញ ត្រូវបានបំពាក់មកជាមួយនឹង ម៉ាស៊ីន 1.0L មានស៊ីឡាំង ៣ និងប្រើប្រអប់លេខអូតូ។ សម្រាប់តម្លៃរបស់ Kia Picanto លក់នៅស្រុកខ្មែរ គឺជាង ២ម៉ឺនដុល្លារ។
2. Toyota Prius
សម្រាប់ Toyota Prius គឺជាបងធំគេហើយសម្រាប់ស្រុកខ្មែរ ហើយចាប់ពីស៊េរីឆ្នាំ ២០១០ ឡើងទៅ គឺគុណភាពល្អ ទៅលើកម្រិតស៊ីសាំង ចន្លោះពី ៤ ទៅ ៥ លីត្រ ក្នុង ១០០គ.ម តាមស្ថានភាពជាក់ស្តែងនៃការបើកបរ និងស្ថានភាពផ្លូវផងដែរ។ សម្រាប់តម្លៃទីផ្សារបច្ចុប្បន្ន Toyota Prius ចាប់ពី ០១០ ឡើងទៅអាចខ្ទង់ជាង ២ម៉ឹនដុល្លារ ចំពោះឡានក្រដាសពន
3. Ford Eco Sport
Ford Eco Sport ជាឡានប្រភេទ City Car ហើយក៏ជាឡានសន្សំសំចៃខ្ពស់មួយម៉ូដែល ដែលប្រជាជនខ្មែរពេញនិយមជិះច្រើន ជាពិសេសនៅរស់នៅក្នុងទីក្រុងតែម្តង ឃើញថាមានការចរាចរណ៍ក្នុងទីក្រុងភ្នំពេញ។ EcoSport ជាទូទៅ ទៅលើកម្រិតស៊ីសាំង អាចខ្ទង់ចន្លោះពី ៤ ទៅ ៦លីត្រទៅតាមស្ថានភាពផ្លូវ ប៉ុន្តែឡាននេះមានមុខងារ Eco Mode ដូច្នេះទោះជាផ្លូវស្ទះ ក៏កម្រិតស៊ីសាំងមិនឡើងខ្លាំងដែរ។ ចំណែកឯតម្លៃវិញ ត្រូវបានដាក់លក់ជាង ២ម៉ឺនដុល្លារ សម្រាប់ទីផ្សារស្រុកខ្មែរ។
ដូច្នេះប្រសិនបងប្អូនចង់បានព័ត៌មានកាន់តែច្បាស់អាចទាក់ទងតាមរយ:ផេកក្រុមហ៊ុននីមួយៗ នៅខាងលើបាន ៕
អត្ថបទ៖ ព្រឹម ភក្តី
