កន្លងមកយើងធ្លាប់បានណែនាំ App ឬវេបសាយស្វែងរកការងារធ្វើ ប៉ុន្តែអ្វីដែលកាន់តែពិសេស ចាបខៀវនឹងណែនាំវេបសាយបន្ថែមទៀត សម្រាប់អ្នកដែលកំពុងស្វែងការងារធ្វើ ប៉ុន្តែមិនមានបទពិសោធន៍សោះ។ ឈប់ព្រួយបារម្ភថាគ្មានការងារធ្វើទៀតទៅ បើអ្នកចំណាយពេលតែបន្ត អូសមើលរកមើលការងារនៅក្នុងវេបសាយ ឈ្មោះ CamHR។
CamHR គឺជាវេបសាយ ដែលប្រមូលផ្ដុំទៅដោយការងារជាច្រើនមុខដំណែង និងសឹងតែគ្រប់វិស័យ។ អ្វីដែលពិសេសនោះ ក្នុងវេបសាយនេះក៏មានមុខងារ ប្រមូលផ្ដុំការងារសម្រាប់អ្នកគ្មានបទពិសោធន៍សោះផងដែរ។ ដើម្បីរកមើលការងារដែលមិនទាមទារបទពិសោធសូមចូលទៅកាន់ វេបសាយ CamHR រួចចុចលើមុខងារ Jobs និងកំណត់ត្រង់ប្រអប់ “បទពិសោធន៍ការងារ” ហើយជ្រើសរើសយកពាក្យថា “គ្មានបទពិសោធ” នោះបងប្អូនអាចអូសមើលប្រភេទការងារជាច្រើន ជាមួយនឹងប្រាក់ខែសមរម្យផងដែរ។
