ជាក់ស្ដែង បើតាមគេហទំព័រ The Economist បានចុះផ្សាយអត្ថបទមួយក្រោមចំណងជើងថា សង្រ្គាមរវាងការដណ្ដើមបុគ្គលិកដែលមានទេពកោសលឬជំនាញផ្នែក AI កំពុងតែឡើងកម្ដៅ។ តាមរយៈអត្ថបទមួយនេះ បានបញ្ហាថា គិតចាប់តាំងពីខែវិឆ្ឆកា ឆ្នាំ២០២២ មានក្រុមហ៊ុនបច្ចេកវិទ្យាលោកខាងលិចប្រមាណ ២០០០០ក្រុមហ៊ុនបាននឹងកំពុងតែបន្ដប្រកាសរើសបុគ្គលិកជំនាញផ្នែក AI និងជំនាញ Machin Learning ឲ្យមកធ្វើការ។ 

គួរជម្រាផងដែរថា នារយៈពេលជាង១ឆ្នាំចុងក្រោយនេះ AI បានក្លាយជាប្រធានបទដ៏ក្ដៅគគុកដែលមនុស្សជុំវិញពិភពលោកលើកយកមកជជែក ខណៈវត្តមានរបស់បច្ចេកវិទ្យា AI កំពុងតែជ្រៀតជ្រែកចូលមកក្នុងជីវិតរបស់នៅប្រចាំថ្ងៃរបស់មនុស្សគ្រប់ៗរូប ពោលគឺវាអាចនឹងក្លាយជាបច្ចេកវិទ្យាដ៏សំខាន់ដែលអាចជួយសម្រួលដល់ជីវិតរស់នៅប្រចាំថ្ងៃរបស់មនុស្សយើងឲ្យកាន់តែប្រសើរថែមទៀតផង។