ក្រុមហ៊ុន ADATA Innovation Drive the FUTURE ថ្មីៗនេះបានបោះទុនវិនិយោគនៅកម្ពុជា ក្នុងទឹកប្រាក់ ១០០លានដុល្លារ នៅឆ្នាំទី១ និង ៥០០លានដុល្លារនៅឆ្នាំទី២ ដើម្បីធ្វើការសាងសង់ Adata headquarter និង រោងចក្រផលិត external SSD , adata ram etc។ នេះបើយោងតាមការចេញផ្សាយនៅលើគណនីរបស់ឧកញ៉ា នឹម វណ្ណ: ថ្ងៃទី១៤ ខែធ្នូ ឆ្នាំ២០២៣នេះ។
ប្រភពខាងលើបានឱ្យដឹងថា “សូមចូលរួមអបអរសាទរ និង រីករាយស្វាគមន៍ ការវិនិយោគរបស់ ក្រុមហ៊ុន ADATA ដែលជាក្រុមហ៊ុនអន្តរជាតិដ៏ធំមួយ មានរោងចក្រជាច្រើន ដូចជា សហរដ្ឋអាមេរិក ចិន ឥណ្ឌា និងបណ្តាប្រទេសជាច្រើនទៀត ។ ADATA បានសំរេចចិត្តដាក់ទុន និង សហការជាមួយនាងខ្ញុំ នៅទឹកប្រាក់ ១០០លានដុល្លារ នៅឆ្នាំទី១ និង ៥០០លានដុល្លារនៅឆ្នាំទី២ ដើម្បីធ្វើការសាងសង់ Adata headquarter និង រោងចក្រផលិត external SSD , adata ram etc !!!
Adata នាំមកនូវបច្ចេកវិទ្យា ដោយការអភិវឌ្ឍន៍ និង ប្រតិបត្តិការ នៃការបង្កើតតំបន់ឧស្សាហកម្ម វិទ្យាសាស្រ្ត បច្ចេកវិទ្យាជាន់ខ្ពស់នៃ កម្ពុជា ផងដែរ។ នាងខ្ញុំសូមជូនពរនិង ស្វាគមន៍ ការវិនិយោគរបស់ក្រុមហ៊ុន ADATA នៅកម្ពុជា និង សូមឲក្រុមហ៊ុនដំណើរការទៅបានអោយរលូននិងជោគជ័យ។”
គូសបញ្ជាក់ថា ក្រុមហ៊ុន ADATA គឺជាក្រុមហ៊ុនដ៏ល្បីឈ្មោះមួយនៅលើពិភពលោក ផ្នែកផ្គត់ផ្គង់គ្រឿងផ្សេងៗដូចជា SSD, HDD, USB, DDR5, external ssds និង power banks ជាដើម។ ជាមួយគ្នានេះ នៅកម្ពុជាយើង ក៏មានអ្នកប្រើប្រាស់ផលិតផលរបស់ក្រុមហ៊ុន ជាច្រើនអ្នកដែរ៕
