ចំពោះការបំភ្លៃនេះធនាគារ ABA បានបញ្ជាក់ថា “ថ្មីៗនេះ យើងខ្ញុំបានកំណត់អត្តសញ្ញាណគ្រុបតេឡេក្រាមផ្សេងៗគ្នា ក្រោមឈ្មោះស្រដៀងគ្នានៃឈ្មោះ "PAYEER" ដែលផ្តល់សេវាកម្មជួញដូរគ្រីបតូ។ ក្រុមទាំងនេះអះអាងថា ABA គឺជាធនាគារមួយក្នុងចំណោមធនាគារជាច្រើន សម្រាប់ការផ្ទេរ និងទូទាត់ ពាក់ព័ន្ធនឹងការជួញដូរគ្រីបតូ ដែលនេះមិនមែនជាការពិតនោះទេ ព្រោះថា ABA មិនគាំទ្រប្រតិបត្តិការដែលទាក់ទងនឹងគ្រីបតូឡើយ។ ខណៈការជួញដូរគ្រីបតូនៅក្នុងប្រទេសកម្ពុជានៅតែខុសច្បាប់ ABA រក្សាសិទ្ធិក្នុងការត្រួតពិនិត្យ និងបង្កកគណនីណាមួយដែលធ្វើប្រតិបត្តិការផ្ទេរ/ទូទាត់ ពាក់ព័ន្ធនឹងរូបិយប័ណ្ណគ្រីបតូ។ សូមចែករំលែកព័ត៌មាននេះជាមួយមិត្តភក្តិ និងក្រុមគ្រួសាររបស់អ្នក ដើម្បីការពារពួកគេពីការជួញដូរនោះផងដែរ!”

អាស្រ័យហេតុនេះហើយ សូមបងប្អូនប្រជាពលរដ្ឋដែលកំពុងវិនិយោគនៅក្នុងឆានែល ឬ Groups Telegram នេះ មេត្តាប្រុងប្រយ័ត្នឱ្យបានខ្ពស់ ជៀសវាងការបោកបញ្ឆោតណាមួយ ដែលធ្វើឱ្យបាត់បង់ទ្រព្យសម្បត្តិផ្សេងៗ៕

អត្ថបទដោយ៖ ផែន ផាន់ណា