សម្រាប់ការប្រើប្រាស់កុំព្យូទ័រមិនថាជាប្រភេទ MacOS ឬប្រភេទ Window នោះទេ ប្រសិនបើអ្នកចេះប្រើអក្សរកាត់(Shortcuts) គឺវាអាចជួយសម្រួលការងារក៏ដូចជាពន្លឿនពេលវេលានៃការប្រើប្រាស់ផងដែរ។ ដោយឡែកក្នុងអត្ថបទនេះខ្ញុំនឹងនាំអ្នកទាំងអស់គ្នាទៅស្គាល់ពីអក្សរកាត់ទាំង 6 សម្រាប់ប្រើប្រាស់នៅលើ Window ដែលអ្នកទាំងអស់គ្នាអាចនឹងមិនធ្លាប់បានដឹងពីមុនមក។

អក្សរកាត់(Shortcuts)

windows + alt + R: គឺសម្រាប់ធ្វើកាថតវីដេអូនៅលើអេក្រង់កុំព្យូទ័រដោយមិនចាំបាច់ប្រើ Software មកជំនួននោះទេ

windows + G access: បន្ទាប់ពីថតហើយអ្នកទាំងអស់គ្នាអាចចុចអក្សរកាត់នេះដើម្បីចូលទៅមើលវីដេអូដែលយើងបានថតរួច

windows + shits + S: អក្សរកាត់មួយនេះគឺយើងប្រើវានៅពេលដែលយើងចង់ថតរូបចេញពីផ្នែកណាមួយនៃអេក្រង់កុំព្យូទ័រ ឬថតអេក្រង់ទាំងមូលក៏បាន

windows + D: អក្សរកាត់មួយនេះអាចឲ្យអ្នកធ្វើការលាក់អ្វីគ្រប់យ៉ាងដែលអ្នកកំពុងមើលនៅលើកុំព្យូទ័រ ជៀសវៀងពេលដែលមានអ្នកដើរកាត់លួចមើល។

windows +V: សម្រាប់អក្សរកាត់មួយនេះគឺអាចអនុញ្ញាតឲ្យយើងបើក clipboard ដើម្បីចូលទៅយកអ្វីដែលយើងធ្លាប់បាន Copy ពីមុនមក ហើយយើងចង់ Copy ទុកប៉ុន្មានដងក៏បានដែរ។ ដូច្នេះលើកក្រោយអ្នកមិនចាំបាច់ប្រើ Ctrl + C និង Ctrl + V ដូចមុនទៀតទេ។
windows + X + U + U: ប្រសិនបើអ្នកចង់បិទកុំព្យទ័រភ្លាមៗ គ្រាន់តែចុច windows + X ហើយចុចអក្សរ U 2ដង នោះវានឹងបិទគ្រឿងភ្លាមៗតែម្តង។ ប៉ុន្តែមានអក្សរកាត់មួយទៀតក៏អ្នកអាចប្រើបានដែរគឺ Alt + F4 + Enter ដោយអក្សរកាត់នេះក៏វាអាចឲ្យកុំព្យូទ័រយើងបិទបានដែរ។

ដូច្នេះសម្រាប់អក្សរកាត់ (Shortcuts) ខាងលើគឺជាអក្សរកាត់ដែលជាតម្រូវការចាំបាច់ក្នុងការប្រើប្រាស់ក្នុងការងារប្រចាំថ្ងៃ ហើយប្រសិនបើអ្នកទាំងអស់គ្នាមិនធ្លាប់ប្រើទេគឺអាចសាកបាន។

អត្ថបទដោយ៖ រិន មករា