1). លក់ផលិតផលឬសេវាកម្ម៖ វិធីសាស្រ្តមួយនេះសាមញ្ញណាស់ ហើយក៏មានអ្នកប្រើបានផលច្រើនស្រាប់ហើយ គឺគ្រាន់តែលោកអ្នកបង្កើត Group Chat ឬ Channel Telegram បន្ទាប់មកផ្ញើរូបភាពផលិតផលដែលអ្នកលក់ទៅក្នុងនោះ អតិថិជនអាចនឹងពិចារណាទិញអ្នកបានគ្រប់ពេល។ ជា Tips កាន់តែល្អ ប្រសិនបើអ្នកអាចឆ្លៀតពេលចែករំលែកនូវចំណេះដឹងបន្ថែម ឧទាហរណ៍ថា បើអ្នកលក់សម្លៀកបំពាក់អាចធ្វើការចែករំលែកជាវីដេអូ ឬជារូបភាព ទាក់ទងនឹងការស្លៀកពាក់ ក្បួនរៀបចំខ្លួនជាដើម ដើម្បីឱ្យអតិថិជនបានជាចំណេះដឹង និងមានទំនុកចិត្តលើអ្នកកាន់តែខ្លាំង។

2). បង្កើតវគ្គសិក្សាអនឡាញ៖ វិធីសាស្រ្តនេះមានអ្នកធ្វើបានផលច្រើន ព្រោះវាមានភាពងាយស្រួលជាងគេ ដោយលោកអ្នក គ្រាន់តែបង្កើតវគ្គសិក្សា ឬកម្មវិធីចែករំលែក រួចហើយដាក់បញ្ចូលទៅក្នុង Channel Telegram របស់អ្នក នឹងអនុញ្ញាតឱ្យអ្នកដទៃបង់សេវា ដើម្បីបានក្លាយជាសមាជិក ឬបានចូលរៀន។ ប៉ុន្តែទោះជាយ៉ាងណាវាទាមទារឱ្យអ្នកមានជំនាញពិតប្រាកដ ដើម្បីអាចចងជាមេរៀនសម្រាប់ចែករំលែកបន្ត ឱ្យគេរៀនហើយអាចយកទៅប្រើប្រាស់បានផលពិតជាក់ស្ដែង។

3). ទីផ្សារប្រព័ន្ធ (Affiliate Marketing)៖ ផ្លូវមួយនេះមានគេធ្វើច្រើន នៅប៉ែកអឺរ៉ុប ព្រោះថាជាទូទៅគេដាក់លក់ផលិតផលនៅលើ Website ហេតុនេះលោកអ្នកគ្រាន់តែ យក Link ផលិតផលនោះ មកដាក់ផ្សព្វផ្សាយលើ Channel Telegram របស់អ្នក ហើយពេលដែលមានអ្នកណាចុចទិញតាម Link នោះ អ្នកនឹងទទួលបានភាគរយទៅតាមចំនួនកំណត់ដែលបានចរចាជាមួយភាគីម្ចាស់ផលិតផល។

4). ការទទួលផ្សព្វផ្សាយពាណិជ្ជកម្ម៖ លោកអ្នកគ្រាន់តែបង្កើត Group ឬ Channel ឱ្យបានធំ បន្ទាប់មកទទួលផ្សាយពាណិជ្ជកម្មឱ្យគេ។ សូមបញ្ជាក់ដែរថា Chanel ដែលអ្នកបង្កើតគួរណាតែចែករំលែកទៅលើចំណេះដឹងល្អៗ រឿងរ៉ាវវិជ្ជមាន ដើម្បីបានជាប្រយោជន៍ដល់ទស្សនិកជន បន្ទាប់ពីមានអ្នកតាមដានច្រើន អ្នកប្រាកដជាអាចបើកទទួល Sponsor ឬទទួលផ្សាយពាណិជ្ជកម្មបានមិនខាន។

5). Chatbots៖ លោកអ្នកគ្រាន់តែបង្កើត Bots នៅក្នុង Telegram ដែលមានតួនាទីឆ្លើយតបស្វ័យប្រវត្តិ (ឧទាហរណ៍៖ Bots សម្រាប់ប្ដូរឯកសារពី PDF ទៅជា Word ជាដើម) បន្ទាប់មកឱ្យអ្នកប្រើប្រាស់បង់ប្រាក់ដើម្បីប្រើប្រាស់ Chatbots របស់អ្នក។

ចំពោះវិធីសាស្ត្រខាងលើទាំងអស់ហ្នឹង តើលោកអ្នកចូលចិត្តមួយណាជាងគេដែរ កុំភ្លេចខមិនផងណា!!

អត្ថបទដោយ៖ សូ សុខលី (កូនផ្កាឈូក)