ម៉ាកយីហោ Roll-Royce ដែលបងប្អូនតែងនិយមហៅថា “រ៉ូយៗ” គឺមានអាយុកាលជាង ១០០ឆ្នាំហើយ ពោលគឺត្រូវបានគេសន្និដ្ឋានថាបង្កើតឡើងតាំងពីឆ្នាំ ១៩០៦ មកម្លេះ ហើយាថ្មីៗនេះដែរ ក្រុមហ៊ុន Roll-Royce បានបង្ហាញរថយន្ត Luxury ប្រភេទ Coupe ហើយនោះគឺជាង Roll-Royce Spectre EV ស៊េរីឆ្នាំ២០២៤ ទម្ងន់ជិត ៣តោននិងចម្ងាយនៃការបើកបរបានដល់ 520Km នៅពេលសាកថ្មពេញម្តង នេះបើយោងតាមប្រភពមកពី CARSCOOPS ។
នេះជាបាតភូតមួយរបស់ម៉ាកយីហោលំដាក់អភិជន ដែលជាង ១០០ឆ្នាំហើយទើបកើតមានឡើងនូវរថយន្តប្រើថាមពលអគ្គិសនី ហើយខាងក្រុមហ៊ុនបានដាក់រហ័សនាមថា “ Ultra-Luxury EV Super Coupe” ដែលសំដៅលើរថយន្តអគ្គិសនីទំនើបដ័ប្រណិតបំផុតប្រភេទ Super Coupe ។
បើយោងតាមសម្តីរបស់នាយកប្រតិបត្តិ Roll-Royce លោក Charles Royce កាលពីឆ្នាំ១៩០០ បាននិយាយថា៖ រថយន្តអគ្គិសនី គឹល្អឥតខ្ចោះ គ្មានសម្លេងរំខាននិងស្អាត គ្មានក្លិនពុល ឬបញ្ចេញផ្សែងពុល គ្មានរំញ័រ ហើយរថយន្តអគ្គិសនីនេះដែរពិតជាមានសារ:សំខាន់ខ្លាំងណាស់ នៅពេលដែលមានស្ថានីយ៍សាកថ្មគ្រប់គ្រាន់បានរៀបចំរួចរាល់” ។ ដូចនេះសម្តីរបស់អតីតCEO របស់ Roll-Royce ចាប់ផ្តើមចេញរស្មីបន្តិចម្តងៗហើយ ។
យ៉ាងណាមិញ សម្រាប់ Roll-Royce Spectre Ev ស៊េរីឆ្នាំ២០២៤ នេះ ខាងក្រុមហ៊ុនមិនទាន់បង្ហាញនូវ Powertrain ក្បោះក្បាយនៅឡើយទេ គ្រាន់តែបង្ហាញនូវឈុតឆាកខ្លី អួតពី Performance បន្តិចបន្តួចតែប៉ុំណ្ណោះ ។ Spectre EV មានកម្លាំងម៉ូទ័រអគ្គិសនី 430KW និងកម្លាំងរមូរ 900Nm ។ ចំណែកឯល្បឿនស្ទះវិញពី 0-100Km/h ចាយពេលត្រឹមតែ 4.5 វិនាទី តែប៉ុណ្ណោះ បើនិយាយដល់សមត្ថភាពថាមពលថ្ម100KWh គេបានអះអាងថា អាចរត់បានចម្ងាយ 520Km ឯណោះ ។
គូរជំរាបផងដែរថា សម្រាប់តម្លៃរបស់ Roll-Royce Spectre EV ស៊េរីឆ្នាំ២០២៤ នេះគេបានសន្និដ្ឋានថាអាចមានតម្លៃចន្លោះពី ៣៥ម៉ឺនដុល្លារ ទៅ៤៦ម៉ឹនដុល្លារ តែចំពោះតម្លៃពិប្រាកដអាចនឹងមកដល់នៅចុងឆ្នាំ២០២៣ ៕
អត្ថបទដោយ៖ ព្រឹម ភក្តី
