កាលពីពេលថ្មីៗនេះ ក្រុមហ៊ុន Toyota ទើបតែបង្ហាញនូវរថយន្តស៊េរីថ្មី ឆ្នាំ២០២៣ ជាប្រភេទរថយន្ត Pickup ហើយនោះគឺជា Toyota Tundra TRD Pro ស៊េរីឆ្នាំ២០២៣ ហើយការបង្ហាញមុខមកលើកនេះ Toyota ជឿជាក់ថាមិនឲ្យ ហ្វេន Tundra TRD ខកចិត្តឡើយ ដោយសារគេបានបំពាក់បន្ថែមសមត្ថភាព Off-road របស់រថយន្ត Pickup Truck មួយនេះកាន់តែខ្លាំងជាងមុន ព្រមទាំងកម្រិត trime Levels ពិសេសៗ ជាច្រើន មិនតែប៉ុណ្ណោះក៏មាននូវ option អាចបំពាក់បច្ចេកវិទ្យា Hybrid ជំនួយដល់កម្រិតសន្សំសំចៃនៅពេលដែលបើកបរលើផ្លូវទូលាយទៀតផង ។
ចំពោះចំណុចដ៏លេចធ្លូ គួរឲ្យចាប់អារម្មណ៍ខ្លាំងជាងគេនោះ ទៅលើរបាំងប៉ាណាខាងមុខអមជាមួយនឹងអក្សរ TOYOTA បែប 3D ប្រៀបបាននឹងសត្វខ្លាឃ្មុំអ៊ីចឹង។ រីឯបាត់ខាងក្រោមផ្នែកខាងមុខ បំពាក់ជាមួយនឹងរបាំងការពារម៉ាស៊ីនមានអក្សរ TRD ហើយរបាំងការពារនោះផ្សំឡើងពីលោហ:ធាតុអាលុយមីញ៉ូម Aluminum Skid plate នូវការបុកប៉ះទៅនឹងវត្ថុផ្សេងៗ ដូចជា ថ្ម កំណាត់ឈើ ជាដើម។
ហើយចំពោះជើងក្រោមរបស់រថយន្តនេះវិញ ដោយយ៉ាន់កង់មានទំហំ ១៨អ៊ីញ និងប្រព័ន្ធបូមដ៏ទំនើប ជាប្រភេទបូមរបស់ក្រុមហ៊ុន Fox ដែលមានគុណភាពខ្ពស់ មានសមត្ថភាពខ្លាំងគ្រប់គ្រងលើផ្លូរពិបាកៗ ដូចជាផ្លូវឡើងភ្នំ ។ល។
ដោយឡែក ចំពោះផ្នែកខាងក្នុង ទៅលើអេក្រង់ឌីជីថលសម្រាប់មើលល្បឿន មានទំហំ ១២.៣ អ៊ីញ និងអេក្រង់កម្សាន្ត Touchscreen មានទំហំ ១៤អ៊ីញ ព្រមទាំងអាចភ្ជាប់ជាមួយនឹងកម្មវិធី Apple CarPlay និងAndroid Auto ផងដែរ ។
ចំណែកឯ គ្រឿងម៉ាស៊ីនរបស់ Toyota Tundra TRD Pro ស៊េរីឆ្នាំ២០២៣ មានលក្ខណ:ដូចទៅនឹងស៊េរីមុនដែរ ដោយគេបានបំពាក់ជាម៉ាស៊ីន i-FORCE MAX ចំណុះ ៣.៥លីត្រ ស៊ីឡាំង V6 អមជាមួយនឹងម៉ូទ័រអគ្គិសនី១គ្រាប់ ដែលអាចផលិតកម្លាំងសរុបបានដល់ ៤៣៧សេះ និងកម្លាំងរមូរ ៦៤៩ញ៉ូតុនម៉ែត្រ ប្រើប្រអប់លេខ ១០វគ្គអូតូ។
ម្យ៉ាងវិញទៀត ផ្អែកទៅលើបច្ចេកវិទ្យា Hybrid ធ្វើឲ្យរថយន្តភីបអាប់នេះអាចបើកលើផ្លូវហាយវេ ក្នុងចម្ងាយ១០០គ.ម ស៊ីប្រេងតែតែ ៩.៨លីត្រតែប៉ុណ្ណោះ ។ គួរបញ្ជាក់ផងដែរថា Toyota Tundra TRD Pro ស៊េរីឆ្នាំ២០២៣ មានតម្លៃចេញពីរោងចក្រចាប់ពី ៣៧,៨៤៥ដុល្លារទៅ ៧៦,១២៥ដុល្លារ ៕
អត្ថបទដោយ៖ ព្រឹម ភក្តី
