សម្រាប់បងប្អូនដែលមានបំណង់ចង់ចេះលេងឧបករណ៍ភ្លេងឈ្មោះថា ហ្គីតា ហើយគ្មានពេលវេលាគ្រប់គ្រាន់ក្នុងការរៀននៅ សាលា ឬមិនសូវថវិកាដើម្បីរៀន តោះមកស្គាល់ឆាណែលយូធូបបង្រៀនលេងហ្គីតា ឥតគិតថ្លៃទាំង ៣ នៅខ្មែរ ដែលមានមេរៀនថ្នាក់ដំបូង សម្រាប់អ្នកចេះសោះ និងមានបង្រៀនឲ្យស្គាល់នូវអាគ័រគោលធំៗ ដើម្បីងាយស្រួលក្នុងការលេងបទភ្លេងផ្សេងៗ ។
១. Rean Pleng ៖ ជាឆាណែលយូធូបដែលបង្រៀនលេង ឧបករណ៍ភ្លេងជាច្រើន ក្នុងនោះដែរក៏មាន ឧបករណ៍ភ្លេង Guitar-ហ្គីតា ដែលមេរៀនរបស់គាត់ មានការលម្អិតខ្លាំង មួយជំហានទៅមួយជំហាន ងាយស្រួលយល់ អ្វីដែលពិសេសគឺ សម្រាប់អ្នកអត់ចេះសោះក៏អាចរៀនបានដែរ ។
២ .Thon Piseth ៖ ជាឆាណែលយូធូបបង្រៀនលេងហ្គីតា ផ្តោតសំខាន់លើ លេងបែប Fingerstyle និងបែប Solo ។ ឆាណែលនេះសម្រាប់បងប្អូនដែលចេះលេងហ្គីតាគ្រាន់បើ អាចរៀនលេងតាមគាត់បាន ឬបន្ទាប់ពីរៀនចេះពីឆាណែលទី១ រួចអាចមករៀនលេងតាមឆាណែលនេះបាន។
៣ .Im Sovanarith ៖ គឺជាឆាណែលយូធូបបង្រៀនលេងហ្គីតា ផ្តោតសំខាន់លើលេងជាមួយបទចម្រៀងនឹងស្គាល់ពីអាគ័រដែលមានក្នុងបទចម្រៀងនីមួយៗ ព្រមទាំងរបៀបលេងតាមចង្វាក់ភ្លេង។
គួរបញ្ជាក់ថា បងប្អូនដែលចង់រៀនលេងហ្គីតា គប្បីតែព្យាយាម ឈ្លាតពេល ១ម៉ោង ២ម៉ោង ក្នុង១ថ្ងៃ Admin ជឿថាមិនបាន ៣ ផងអ្នកទាំងអស់គ្នានឹងចេះលេង ស្គាល់សម្លេងខ្ទង់ខ្សែហ្គីតានីមួយៗ និងអាគ័រផងដែរ៕
អត្ថបទដោយ៖ ព្រឹម ភក្តី
