ជាទូទៅ យើងទាំងអស់គ្នាធ្លាប់តែឮគេនិយាយអំពីឡានហោះ ជាច្រើន ចំពោះរូបរាងឡានហោះទាំងអស់នោះ មិនដូចអ្វីដែលយ៉ាងគិតឡើយ បែបជាចេញរាងយន្តហោះទៅវិញ ដោយឡែកសម្រាប់ឡានហោះរបស់ក្រុមហ៊ុន XPeng នេះវិញ គឺរាងចេញមក ដូចឈ្មោះគេហៅពិតៗតែម្តង។
កាលពីកន្លងទៅថ្មីៗនេះ បើយោងតាមប្រភពពី electrek.co បានឲ្យដឹងថា ក្រុមហ៊ុន XPeng បានបង្កើតកម្មវិធី 1024 Tech Day នៅប្រទេសចិន ដោយបានពាំនាំយកនូវគំរូយានជំនិះថ្មីជូនដល់ពិភពលោកខាងក្រៅឲ្យបានឃើញ ដែលគេបានបង្ហាញគំរូឡានហោះ របស់ XPeng មានទាំងស្លាក មានទាំងឡានផ្ទាល់តែម្តង។
ចំពោះស្លាកកង្ហាររបស់ឡានហោះនេះ មានភាពស្រដៀងនឹងយន្តហោះដ្រូនដែរ ដែលគេបានបំពាក់នូវម៉ាស៊ីនចំនួន ៤ និងស្លាបកង្ហារចំនួន ៨ ។ គំនិតឡានហោះរបស់ XPeng នេះពិតអស្ចារ្យ ប្លែកខ្លាំងមែនទែន ជាពិសេសគឺការយកឡានមកបំពាក់ស្លាបដ្រូន ដោយអាចបញ្ជាក់ហោះបានពេញមេឃ ។
ដោយឡែកសម្រាប់ ទិន្នន័យថ្ម និងចម្ងាយនៃការហោះ គឹខាង XPeng មិនទាន់បានបង្ហើបនៅឡើយទេ។ ដូច្នេះអ្នកទាំងអស់គ្នាគិតយ៉ាងណាដែរ បើគំរូឡានហោះនេះ តទៅថ្ងៃមុខក្រុមហ៊ុននេះអាចសិក្សារបានជោគជ័យ តើនឹងមានរឿងអ្វីកើត?
អត្ថបទដោយ៖ ព្រឹម ភក្តី
