ថ្មីៗនេះ ក្រុមហ៊ុន Google ទើបបានធ្វើការអាប់ដេតលើប្រព័ន្ធប្រតិបត្តិការ Android Auto ថ្មី កាន់តែងាយស្រួលប្រើជាងមុខ ជាពិសេសសម្រាប់ Android version 12 អាចភ្ជាប់ជាមួយសោរឡានឌីជីថល Digital Car Key ដោយអាចបញ្ឆេះឡានបានយ៉ាងងាយមិនចាំបាច់មានសោរឡានក៏បានដែរ។
បើយោងតាមប្រភពពី Autoevolution បានឲ្យដឹងថា ក្រុមហ៊ុន Google បានអាប់ដេត Android Auto ថ្មី លែងឲ្យហួសសម័យដូចទៀតហើយ ដោយកែប្រែត្រង់អេក្រង់បង្ហាញជាប្លុកៗ ទាំងការប្រើប្រាស់ Google map , ការស្តាប់តន្ត្រី និងមុខងារផ្សេងៗទៀត គឺបង្ហាញចេញក្នុងពេលតែមួយ ដូច្នេះយើងក៏លែងពិបាកក្នុង ឆ្លាស់ពីApp មួយទៅ App មួយទៀតធ្វើឲ្យយើងមានរំខានដល់ការបើកបរ។
អ្វីដែលពិសេសខ្លាំងនោះការអាប់ដេតថ្មីនេះដែរ Google បានបញ្ជាក់ថា ចំពោះ Android 12 អាចប្រើជាមួយ Digital Car Key បញ្ឆេះឡានដោយប្រើទូរស័ព្ទតែមួយមុខគត់ មិនចាំបាច់មានសោរឡានអ្វីឡើយ។
គួរជំរាបផងដែរថាសម្រាប់មុខងារ Digital Car Key នេះ Google បានអនុញ្ញាតឲ្យដំណើរការបានតែលើឡាន BMW តែមួយប៉ុណ្ណោះ ដោយឡែកប្រេនឡានផ្សេងទៀតគឺមិនទាន់មាននៅឡើយទេ៕
អត្ថបទដោយ៖ ព្រឹម ភក្តី
